A TUARNING CU ZAANG AFAK TUK E, THLAN CHUNGIN A CHUAK KHO

Vawlei cungah mivanttha bik asi ko lai. Thlan chungin a rak chuak tthan. Ukraine nu pakhat kum 57 asi cangmi Nina Rudchenko timi cu a umnak inn pawng tlangval pahnih nih faktuk in an vuak hnu ah a nun bu in thlan ah an phum. Athi hrimhrim ko lai tiah an ruah nain khuaruahhar in Thlanchung cun a rak chuak tthan.

An phummi nu hi Maryanske khuapi ah a mah te lawngin khua a sami asi. An innpawng ah a ummi tlangval pahnih kum 27 le kum 30 a simi unau hna nih Nina Rudchenko cu fak ngaiin an velh pin ah a inn zong an hrawh ngaingai ti asi. Fak ngaiin a hmai hna an thongh baseball tuknak zong an tuk rih a si.

Cuticun faktuk in an velh hnu ah Tikik an toih i, thlanmual ah an kalpi.Amah tein an phumnak vawlei zong an cawhter i, cu hnu ah a nunbu in an phum. Hi konghe pehtlaiin fahnak a tongmi Nina nih atimi cu an ka phum ah hin thawchuahnak dingah tiah ka hmai cu ka in ka huh tiah a chim. Tlangval pahnih hna nih capo nihchuak ah an seih hnu ah tthihpheihnak zong an langhter rih. Na chungkhat zong kan thah hna lai tiah an ka chimh tiah a chim.

Athi ko lai tiah tlangval pahnih nih an ruah caah hnangam ngaiin an kaltak. Asinain thlanchung in a rak chuak tthan. Abat tuk caah kal zong kal kho loin vokvah in a vak. Athaizing ah a nau Ludmira Gura nih a hmuh tikah rianrang in sizung ah a tlikpi. Achimmi cu ka u umtu ning ka hmuh tikah a cungah zeiko dah a cangtimi ka khuaruahhar ngaingai tiah a chim.

Sizung ah an vun check tikah cun akha ruh a kiah pin ah a thluak zongah hliam atuar lawng siloin a hnar ruh zong a kiak rih. Nawlngeitu hna nih misual pahnih hna cu an tlaih hna i, an sualman kum 10 chung thongthlak dingin biachahnak an tuah piak hna.

Lainawn case lawng siloin tleihhrem case zong in riantuan dingah rian kan ttuan cuahmah lio asi tiah Evgen Slipchenko nih a chim. Hi konghe pehtlaiin misual unau pahnih hna nih an ti ve mi cu, hi thil kan tuahnak aruang cu zu kan rit tuk caah asi ko tiah an chim ve.zn

Be the first to comment

Leave a Reply

Your email address will not be published.


*