THLACAM ACAHMI CUNGAH FRANKLIN GRAHAM CU LEHNAK ATUAH

Donald Trump caah dongcat loin thla acam lengmang mi Franklin Graham nih thlacam acahmi ah minung pakhat comment atuahmi cu amak ko. Franklin Graham nih atimi cungah minung pakhat nih comment atuahmi cu minung thonghra leng nih like an pek. Atimi cu Na chimmi ahmantuk, an caah thla kan cam ding asi, Nain anmah he lungrual cu asi kho lo. Sualnak cu kan doh ding asi lo maw? an mah kan dawt khawhnak dingah cun thla kan cam ding asi ko. Nain hmunkhat umti tucu ka duh lo tiah ati.

Theihcio bangin US thimnak kong buainak aa thok bakin Donald Trump caah thla acam lengmang mi cu Franklin Graham nih US siseh vawleicung hmunkip kakip a ummi Khrihfa hna cu US president asi dingmi Joe Biden le Vice President asi dingmi Kamala Harris caah thlacam piak dingin sawmnak atuah. Acung chimcia bangin Franklin Graham cu Trump caah thla acam lengmang mi asi.

Zumtu vialte hna cu lungrual tein Joe Biden caah thlacam piak ding sawmnak atuah. Atimi cu Civil war achuah hnu ah kan ram buainak cu alinsa peng i, Khrihfami hna lungrual tein US President thar Joe Biden caah thla cam hna usih. Party pahnih hna rampi an hruai khawhnak dingah thlacam uh, Khat lei veve an mualpho lonak dingah siseh America ram mipi vialte an hruai khawhnak dingah thlacam uh tiah ati.

Hi konghe pehtlaiin Franklin Graham cu minung pakhat nih comment atuahmi cu minung thonghra leng nih like an pek. Atimi cu Na chimmi ahmantuk, an caah thla kan cam ding asi, Nain anmah he lungrual cu asi kho lo. Sualnak cu kan doh ding asi lo maw? an mah kan dawt khawhnak dingah cun thla kan cam ding asi ko. Nain hmunkhat umti tucu ka duh lo tiah ati.

Relchih: Caan zeimawzat chung IS cawlcanghnak adai cangmi cu athar in an chuak tthan cang. Minung panga bak IS ralhrang hna nih an thah hna. Iraq eastern province i, Diyala timi ah IS ralhrang hna nih minung panga an nunnak an lak hna. Hi minung panga an thahmi chungah minung pahnih hna cu Iraq ralkap an si i, adang minung pathum hna cu Paramilitary Hashd Shaabi member an si tiah an chim.

Tutan ah IS ralhrang hna nih hmun pahnih ah tukdohnak an tuah, Pakhat deuh i, tukdohnak an tuahmi ah ralkap minung pahnih an thah pin ah ralkap adang minung pakhat zong hliam atuar rih. Hi thil acannak hmun cu Provincial Capital Baquba ah a cangmi asi i, Baghdah he km 65 hrawng aa hlat mi asi tiah Provinvial palek hna nih an chim pin ah ralhrang pawl hna cu kawl cuahmah an si tiah an langhter chih.

Cun tukdohnak hmun pakhat deuh ah hin Hashd Shaabi member pathum an nunnak aliam. Asinain hi hmun le hma tukdohnak ruangah hliam atuarmi an um le um lo tucu langhter asi lo. Iraq ah hin IS ralhrang hna cu aliamcia kum 2017 ah khan an rak tei hna i, thanhnak zong an rak tuah. Mah hnu ahcun IS ralhrang cawlcanghnak hi a um tilo titluk asi cang, Tutan ah athar in an vun chuah tthan hi asi.

Biachap: IS ralhrang hna nih tutan ah tukdohnak an tuahmi hi US thimnak konghe pehtlaihnak angei hnga maw? Donald Trump nih IS ralhrang hna cu arak tei hna, Asinain tutan ah IS nih cawlcanghnak thar an tuahmi hi Trump asungh ruangah asi hnga maw? Joe Biden nih US President a vun ttuan lai cang i, hi chungah IS ralhrang hi lulin in an chuak tthan sual lai ti aphan um ngai.

Be the first to comment

Leave a Reply

Your email address will not be published.


*