THAWNGTTHA TAKTAK KAN UNAU NIH AN TUAH CANG, A SUNGLAWI HRINGHRAN

Kan unau Mizoram mipi nih ralhrang Kawlralkap Min Aung Hlaing cu zohchia in an tuah ko cang. Kan Unau cawlcanghnak hi upat an tlak tung hringhran ko. Hi konghi Min Aung Hlaing nih thei sehlaw cu a thin ahung taktak ko hnga. Asinain kan unau Mizoram unau hna nih biatak tein tulio buainak kongah aa kan dirkamh ning fiang tein atak in an langhtermi zoh tikah uar an um tuk hringhran.

Mizoram kan unau cawlcangh le an kan tuamhlawm ning hi lung a hmui, upat an tlak tuk hringhran. Nihin tiang ah Farkawn khuachung lawng ah minung 327 an i dor i, khuami nih tluninn an phawt cio hna. Cu minung 327 ca ah cun nihin ah Champhai Truck Owner Association nih Facang bag 60, Aalu bag 10, Chiti case 10, Piat Bag 2 an va pek tthan ve hna.

Aizawl zong ah cu bantuk cun an bultawl hna. Hmun dangdang zong ah lumsa tein le siarem tein zohkhenhnak an tuahpiak hna.Milu a lutmi an tthahnem cang.Cu caah, inn pakhat ah chungkhar 6, milu 20 leng hna an umter chung hna.Ka langhter duhmi cu: Mizoram kan unau nih an kan dawtnak le humhimnak hi a lianngan tuk hringhran.Lailei Civui bantuk in tluninn phawt cuahmah le zohkhenh cuahmah an si. Caan sau zohkhenhnak ca ah timhtuahnak le dirkamhnak zong abiapi taktak hnga. Kan khualam tu dih colh hram seh. Credit: Salai Cung Dawt.

Relchih: Ralhrang Kawlralkap lutlai Min Aung Hlaing cu a zam diam tiah an langhter cang. Hruhru hranghrang in rampi uknak or nawlngeihnak alatu ralhrang kawlralkap hruaitu lutlai a simi Min Aung Hlaing cu atuhi thawngzamhnak nih an langhter ningah cun zam dawh asi cang. Napyidaw a um nak hmun zong a um ngam ti lo i, ralkap pawl an i thuhnawhnak hmun a simi Island ah azam tiah an chim.

Ralhrang kawlralkap lutlai Min Aung Hlaing konghe pehtlaiin Mizzima thawngzamhnak nih a langhter ning ahcun Kawlram mipi nawlngeihnak aa kan chuttu le hramhram in rampi uknak or nawlngeihnak alatu Min Aung Hlaing le a ralbawi hawi cheukhat hna cu tuchun zanlei suimilam pathum hrawngah Cocos Tikulh timi an phan cang tiah thanhnak an tuah. အာဏာသိမ်းအကြမ်းဖက်စစ်ခေါင်းဆောင် ဗိုလ်ချုပ်မှုးကြီး မင်းအောင်လှိုင် နှင့် စစ်ခေါင်းဆောင် တစ်ချို့ မတ်လ ၂၀ ရက် (ယနေ့) နေ့လည် ၃ နာရီဝန်းကျင်တွင် ကိုကိုးကျွန်းသို့ ရောက်ရှိကြောင်း သတင်းရရှိသည်။

Cocos Tikulh ( Cocos Island) timi hi ralhrang kawlralkap hna caah a biapi ngaingai mi hmun pakhat a si. Hi hmun le hma hi Tuluk he an cawlcangh ttinak hmun asi tiah an zumh. Cun Tuluk electronic intelligence pawl an rianttuannak le ramdang he an i pehtlaihnak, a thlithup in rian an ttuannak hmun a si tiah alanghter mi zong an um hna.

Hi konghe pehtlaiin Mizzima thawngzamhnak nih Breaking news bak in a langhter mi asi. Hi thawngpang an lakmi hi anmah ralhrang ralkap chung lila in biathli an theihchin mi asi. Min Aung Hlaing konghe pehtlaiin minung tampi nih comment ah an langhter mi cu Thih a ttih tuk cang caah a zam hi asi ko tiah an ti. Cun tthenkhat nih an ti tthan mi cu Min Aung Hlaing hi Rangon khuapi le Naypyitaw zong a um ngam ti lo caah a zam hi asi ko tiah an ti.

Be the first to comment

Leave a Reply

Your email address will not be published.


*