BUAIPI TAKTAK MI ZAWTNAK ADAMH KHOTU AN SER KHAWH CANG

A Tulio vawleipi nih abuaipi taktak coronavirus zawtnak adamh khotu sii cu tlangzarhnak an tuah cang. Hi coronavirus a damh khotu sii cu mum khat ah india tangka in 55 an hauh. Tutan ah Coronavirus damhnak sii atlangzarh tu hna hi FDC timi Fixed Dose Combination an si. Thawngpang ttha ngaingai asi ko cang, hi konghe pehtlaiin atanglei bantukin an langhter

FDF hna nih hin Coronavirus khamnak caah an sermi sii tlangzarhnak an tuahmi hi phunhnih a si. Mah sii hi a min ah PiFLU le FAVENZA asi tiah an langhter. Tutan ah sii tlangzarhnak atuahtu FDC hi India ram a simi Aurangabad khuapi Maharashtra State ah hrambunhmi an si tiah an chim. Cun an sermi sii hi Drug Controller General of India zong nih nawl a awnh cangmi zong an si.

A cunglei ah langhter cang bangin tutan ah an tlangzarhmi Sii mum nih hin Coronavirus zawtnak angeimi hna thlopbulnak caah attha taktak mi le hi sii nih hin rianrang ngaiin a damter colh hna tiah fianhnak zong an tuah cang. Culawng siloin an sermi Sii hi zawtnak angeimi le abik in zawtnak azual lo deuh mi ca hrimhrim a ttha khun tiah FDC nih an langhter.

Zawtnak an theih hlan le rianrang in zohkhanhnak tuahmi nih hin zawtnak angeimi damlo hna an ngandamnak attum chuk dingmi kha biatak tein a kilven khawh ruangah cozah le ngandamnak lei zohkhanhtu hna zong hmunkhat ah kan ttuantti ko peng ko lai tiah an chim. Cun sii tlangzarhmi PiFLU le Favenza si ai hi ramchung khoika paoh ah a um ding asi tiah DFC in chimnak nawl angeimi Mayank Tikka nih a chim.

Ramchung hmunkip ah mah sii phun hnih hna cu cawk khawh dih dingin an chiah cuahmah cang tiah company nih cathanh ah an langhter. Cun mah sii phunhnih hna cu mum khat ah india tangka in 55 asi tiah aman zong an langhter chih tthan. Theihdingmi cu mah bia hi lunghrinh in a zumlomi tampi kan um kho men asinain thawngzamhnak nih alanghtermi asi i, zumh le zumh lo cu pumpak cungah aa hngat

Source: ET

 

Be the first to comment

Leave a Reply

Your email address will not be published.


*