THAWNGTTHA BAK SI HIH, YAW PDF NIH RALHRANG MOTOR BOMB IN AN THUAT

Kalay-Gangaw Kar Ah Ralhrang Mawtaw 2 Bomb Puah An Si,Ralhrang 30 Hrawng An Thi. Kalay-Gangaw kar ah Kalaymyo lei in a rak kai mi ralhrang mawtaw 40 leng cu Yaw Defense Force (YDF) nih Gangaw ram chung Kaan khua pawngah bomb in an puah hnawh i ralhrang mawtaw 2 an rawk,ralhrang 30 hrawng an thi tiah theih a si.

Ni zaan suimilam 1:30 hrawng ah Yaw-PDF nih bomb kan hmanh hnawh hna.Kahdohnak cu a chuak lo, a ra mi an tam caah bomb hmanh mi a dih in tlik colh a si. Bomb hmanh mi ruang ah minung tampi an thi ve, a tlawmbik minung 30 hrawng cu an si lai” tiah Yaw-PDF chung tel pakhat nih a chim. Bomb hmanh in doh a si caah ralhrang motor 30 leng hrawng Kalaymyo lei ah a kal.

A tang mi ralhrang motor hna cu Gangaw peng chung Hnin Kha khua ah umhmun an khuar,zaan lei ah Hnin Kha khua pawng ah kahdohnak a chauk than, ralhrang phu nih hriamngan in an kah hna tiah khuami hna nih an chim.Hnin Kha khua lampi lamkam ummi inn in an lakkhawh mi thil cu nihin zinglei ah ralhrang phu hna nih motor cung ah an khin.

A dang khua in Pyusawthi phu hna nih cycle 18 in Hnin Kha khuachung ah ralhrang phu sin an i fon tiah theih a si. Nihin Gangaw lei in ralhrang motor 34 cu an ra chap, Hantawadi (ဟံသာဝတီ) khuapawng an Phan cang, Kalay-Gangaw motor lam kam khua cheukhat mipi hna nih an tih caah an zaam tiah Khit Thit Media nih a tial

Relchih Thawngpang dang: Thantlang Facang Phor Motor 10 Hrawng Hakha ah SAC nih an Hren Hna. Mandalay le Kalay lei in Thantlang ah a lan dingmi motor pawl Hakha SAC nih Thantlang ah lan kho loin an hren hna, tiah thawng kan theih. Motor a hrenmi hna hi pakua pahrapi an si. Mandalay lei in a rami motor 2 le Kalay lei in a rak kaimi pawl an si hna. Acheu cu ni 5,6 an hren cangmi hna an um i, acheu hi ni 10 hrawng an hrenmi hna zong an um,” tiah Thantlang upa pakhat nih The Chin Journal a chim.Hakha SAC nih an hrenmi Thantlang lei motor pawl hi facang le eidin dangdang a phormi an si hna. Facang a phormi le eidin dangdang (စားကုန်) pawl a phormi an si hna. Datsi cu tlaih lengmang a si caah an phor ti lo,” tiah a cunglei upa nih a chim chap.

Thantlang ah facang le a dangdang thilri phorh ding in penguk nawl onhnak hal a si bang in Hakha i SAC ralbawi (ဒုတိုင်းမှုး) zong phone in an chawnh ko nain nihin tiang lanhter loin an hreh rih hna.Nihin kha Thantlang lei ah nan lan kho cang an ti hna. Asinain, Khuathar Gate an phak ah kir dih tthan u an ti hna,” tiah a chim chap. Thantlang ah motor a luh lonak ni 15 hrawng a si cang. Thantlang hrimhrim ah SAC nih motor luhter lo an duh ruang ah a si kho tiah an ruahdamh.Asinain, Hakha i an hrenmi motor pawl hi atu zaanlei zong ah an thlah khawh men hna, tiah a cunglei upa nih a langhter. The Chin Journal

Be the first to comment

Leave a Reply

Your email address will not be published.


*