THAWNGTHAR: NIZAN SOPUM AH RALKAP NIH MEITHAL AN PUAHNAK KONG

Sopum ah ralkap nih meithal zuun nga leng puah.Thantlang Peng Vanzang Tlang chung Sopum khua April 27 zaan ah ralkap nih meithal zuun nga naktam an puah, a ruang bel kan hngal lo, tiah khuami pakhat nih The Hakha Times ah a chim.Kannih khua hi ralkap an umnak a sau cang nain hnahnawhnak ngaingai an kan pe bal lo. Biakinn zong zaan hmanh ah kan i pum.

Thantlang Le Sopum Khua Kar Ah Tlangte Khuami A Ruak In An Char -

April 27 zaan zong pumh kan tin khawhka 10:10 PM hrawng ah meithal an puah.Zinglei zong tha tein kan tho ko i zeiruang ah dah meithal an puah ti cu kan hngal kho lo,” tiah khuami pakhat nih The Hakha Times ah a chim. Hi kong ah cheukhat nih, “Suimilaam 9:30PM hrawng ah zuun thum an puah i 10:00 PM hnu ah zuun thum an puah than,” tiah an chim. Sopum kha ah hin ralkap 20 renglo umhmun khuar in an rak um nain atu hi Lungler sakhaan ah aa thial mi an um ca ah pakuahra lawng an taang, tiah kan theih. Credit: The Hakha Times.

May be an image of mountain and tree

Relchih: Rampi kahdaihnak minsen a thumi Tlangcung hriamtlai phu(10) hna cu biachahnak thar an tuah mi cu lung a hmui taktak. A hlan UNFC an rak dirh mi bantuk in Tlangcung hriamtlai phu pawl i fonhnak phuthar pakhat ser ding in lungtlinnak an tuah khawh cang tiah Myanmar Now nih a tarlangh.Atu lungtlinnak an tuah mi cu တိုင်းရင်းသားလက်နက်ကိုင်တပ်ပေါင်းစု timi a si. NCA minsen a thu mi Tlangchung hriamtlai phu(10) nih cun dirh ding in lungtlinnak an tuah cang i CNA ah aa tel rih lomi Tlangcung hriamtlai phu dang pawl zong sawm hna ding in timhtuah a si lawng si loin “NCA ah aa tel rih lomi Tlangcung hriamtlai phu pawl a sawmtu ding Committe zong an dirh lawlaw fawn” tiah Myanmar Now nih cun a tarlangh.

Rampi kahdaihnak minsen a thu rih lomi hriamtlai phu pawl KIA, UWSA, SSPP, TNLA, MNDAA, AA le KNPP tibantuk pawl zong kan sawm dih hna lai tiah an biachahnak ahcun an telh chih hi asi.Cun tutan an meeting ah biacahnak puitling ngai an tuah rih mi cu “NCA minsen a thu mi Tlangcung hriamtlai phu(10) nih caan karlak Cozahthar (NUG) hi kan cohlan, CRPH siseh, NUG siseh kan cohlan lawng si loin kan dirkamh lai,

Tlangcung hriamtlai kan dihlak huap in sieh, a cikpak phu cio zong in siseh, kan dirkamh lai timi cathanh an chuah hi asi.Kan hnu lei caan karlak Cozahthar nih thawngfianhnak an tuah lio zong ah “Federal Army kan ser colh ko lai, a si nain felfai tein timhtuah a herh caah caan a rau deuh kho, cu a si lo ahcun Tlangcung hriamtlai phu dihlak fonhnak phu pakhat, dirti nak phu pakhat ser hmasa zong a hau te men lai” tiah an rak chim ve.

A hlan ah Tlangcung hriamtlai phu vialte i komhnak, UNFC timi a rak um. Cucu kawl ralkap nih an rak tih taktak mi asi. Caan sau an kal ko nain, a karlak thil tete ruang ah le, a pikpak in Ralkap le Cozah nih lemsoinak a rak um mi ruang ah an rak ngol chung bal. Tutan cu caan karlak Cozahthar thinlung dirhmun, Ralkap a hram in cawih nak, thlak nak caaah timhtuah bak mi a si caah ruahchannak a ngan ngai ko. Source: Myanmar Now

Be the first to comment

Leave a Reply

Your email address will not be published.


*