THAWNGPANG TTHA TUK, THE HAKHA TIMES CAAH LAKSAWNG KAN CHUAH LAI AN TI

The Hakha Times caah thawngpang ttha taktak a chuak. Lawmhnak in kan khat cio hna lai timi zong ruahnak a um. Aruang cu ngeih hlei siloin neih chunmi te chungin hi vialte bawmhnak an pekmi hmuh tikah lawmh a um tuk hringhran i, upat zong an tlak pin ah bochan dingmi le an nawl i cawn ding bak asi i, uar an um tuk ti kha ahmasa ah vun langhter duh mi a si.

Theihcio bangin The Hakha Post buainak cu mikip nih kan theih dih cang i, The Hakha Post thawngzamhnak kongah tawlreltu chungah ahodah a dik in a hman timi zong pumpak nih biakhiahnak tuah dih cio asi. The Hakha Post hruaitu lutlai vialte hmur le ka zong zapi nih kan theih dih cang. Culawng siloin THe Hakha POST lutlai Papui zong nih thilsining a chim dih cang mi asi.

The Hakha Post in rian aa dinmi Papui nih a chuahnak konghe pehtlaiin thilsining a chimmi siseh, The Hakha Times chuah ai timhnak kong zong kan theih dih. Papui nih The Hakha Times a dirh lai dingmi cungah pumpak ramdang a ummi sihnaseh, ramchung a ummi zong nih kan in dirkamh lai tiah biaza phuntling an chim dih cio hna.

Cu chungah a min a vun laar ngaingai cu zapi theih in The Hakha Times ah kan si khawh chungin kan rak i zuam lai timi hi a si. Anmah minung pahnih comment ah zapi hmuh in an vun langhter mi cu azohtu mipi vialte zong lawmhnak in kan khat cio hna. The Hakha TImes caah bawmhnak cuzat ka pek lai cuzat tiah a langhter mi an um cu hna cu minung pahnih an si.

Pakhatnak zapi mipi vialte theih in comment ah Tluangzahnin Chuntei nih a timi cu Hakha Times media caah kawlram tangka in tingli laksawng kan pek hna tiah a chim. Hibia achimmi hi The Hakha Post rianchuahnak konghe pehtlaiin Papui biaruahnak an tuah lio ah zapi hmuh le theih in comment ah a ttial in a langhter mi asi. Upat a tlak tuk hringhran.

Cun a pahnih ah Salai Unity Ham hi asi. Amah tuhi a zat tu cu alanghter lo nain zapi hmuh ah bawmhnak ka tuah lai tiah a chim. Salai Unity Ham nih atimi cu The Hakha TImes dirhnak ding ah muanmar kyat in… ka hlut ve lai tiah a chim rih. Hihi zong hi biaruahnak an tuah lio ah comment ah a langhter mi asi. Acung kan vun langhter mi hi pumpak a zum lomi kan um sual ah hmanthlak he kan vun langhter chih. Upat tlak taktak an si.

Be the first to comment

Leave a Reply

Your email address will not be published.


*