THAWNGPANG TTHA TAKTAK KAN KUT THANGPI IN BENG CIO HNA USIH

Australia Parliament Ah Vice President Pu Henry Van Thio kong An Chim. Australia cozah cu kawlram democracy lamthluan a kal khawh nak ding caah abawmchan tu ram pakhat asi. Australia cozah nih bawmh nak tampi a pek, abiapi in ramdeih nak, ngandam nak le fimcawn nak ding ah phaisa tampi bawmh nak a pek.

2015 Kawl ram election lio zong ah Australia cozah nih ngiathlai tu palai pawl cu kawl ram hmun tampi ah an rak thlah hna. Australia Parliament ah tlangcung mi asi mi Chin miphun khirfa asi mi nih Vice President an tuan cu Kawlram ah aum bal lo mi tuanbia thar asi. 1947 Kawlram cozah kai hnu in Khrifa asi mi Chin miphun nih cozah lei rian tuan tu reng sang bik an hmuh nak hmasa bik zong asi.

Chin miphun vial te hna caah kan lawmh pi tuk hna tiah Australia Parliament ah 2015 Kawlram election lio ah palai an thlah mi Senator Dean Smith nih achim. Miphun dang mirang hmanh nih Vice President Pu Henry Van Thio kong hi Australia Parliament tiang an chim mi hi Chin miphun hna zong nih kan ruah ding le kan dirhkamh ding ah ka ruah ngai mi pakhat asi. Renny Ceu L Mang.

Relchih: Political Facts, Chin- NLD cu Chin National Party an si zeicatiah, 2015 election ah Chin miphun nih mandate an pek hna. Phundang in chim ahcun, 2015 election thimnak ah Chin miphun thinlung a Teitu an si. Cucaah, 2015-2020 karlak Chin Cozah a tlaitu/ Chin ram aiawhtu an si. Chin National Party Status an phan.

CNLD hi “Chin National Party” status an phan rih lo. Zeicatiah, 2010 ah an izuam i an sung. 2015 ah an izuam rih i an sung rih. Phundang in chim ahcun, Chin Miphun Thinlung an tei/win kho lo. Ifian ding cu, Chin National Party tiah dotla si dingin Chin Miphun nih mandate an pe bal rih hna lo. Cozah zong an tlai bal rih lo.

Cucaah, 2020 election ahhin Chin Miphun thinlung/heart an tei/win khawh ahcun, cu tikah “Chin National Party” tiah dotla ah cohlang an si ve te hnga. A sullam cu, CHIN min ibunh ruang ah Chin National Party status hmuh colh khawh a si lo. CHIN Miphun thinlung an tei hmasa a herh. Credit: Zasang Cinzah.

Be the first to comment

Leave a Reply

Your email address will not be published.


*