THAWNGPANG THAR: CHUNGKHAR LEI NIH AN LANGHTER CANG

Thawngpang tthar, Kawlralkap nih an tleihmi Laimi pahnih kong cu tuchun suimilam 12 ah thawngthar theih asi lai tiah an chim. Kalaymyo lamzawhnak ah aa telmi Chin-shai khua ah palek le kawlralkap nih minung pahnih hna cu nizan zanlei suimilam pali le cheu hrawngah an tleih hna i, Myo-mah palik zungah an hruai hna tiah theih asi.

No description available.

Hi konghe pehtlaiin tuzing ka ah an inn ah ka va kal i, a nu le pa zong kum upa lei an si hna i, an tap lengmang. Mit in kan va hmu lo nain lampi ah ralkap uknak duhlonak an au caah asi ko lai tiah hringtu apa nih cun a chim. Chungkhar khat hna nih an thawngpang an dottlet i, tuchun suimilam 12 hrawngah zunglei in thawngthanhnak an rak tuah te lai tiah a nu le pa nih an chim tiah khuami pakhat nih a chim.

No description available.

Sanmyo sang i a ummi Salai Van Lian Ceu kum 25 hrawng asimi le Mai Chin Chin cu lamzawhnak an tuah hnu ah birthday hmangin an kal. Cu an kalnak in zanlei suimilam pali le cheu hrawngah palek le ralkap nih an tleih hna. An tleih hna hi chungkhar lei nih cun zanlei suimilam panga le cheu hrawnglawng ah an tleih hna timi thawng an theih.

Kawlralkap nih February nikhat thok in rampi uknak an lak hnu ah mipi hna nih lamzawhnak in duhlonak an langhter. Lamzawhnak atuahmi hna cu Kalaymyo kawlralkap le palek nih an tleihmi hna hi minung pali an si cang. Cu hna cu Lalremmawia le Kyaw Aung, Salai Van Lian Ceu le Mai Chin Chin hna an si cang tiah an langhter. Credit: CT.

Relchih:Kawlralkap le KNU faktuk in an i phomh, KNU nih kawlralkap minung panga an kahthah hna. Hi konghe pehtlaiin KNU nih thanhnak an tuahmi cu Nizan March ni 9 ah Mon ramkulh lei ah Karen Ralkap KNU le kawlralkap karlak ah tukdoh kahnak a chuak i, Kawlralkap minung kahthah an si tiah thanhnak an tuah. Hi tukdohnak ah Karen ralkap a nunnak aliammi cu an um lo, asinain kan sakhan tu cu kan chuahtak ve tiah an chim.

An i kahnak aruang bik cu Kawlralkap thiltuah ruangah a si. Mon ramkulh Thaton pengah Karen ralkap umnak hmun cu Kawlralkap nih an kah hna ruangah kaphnih in i kahnak tiang a chuahnak hi asi. Biatak tein i kahnak a chuah hnu ah Kawlralkap minung an nunnak aliamnak zong hi asi. Hi tukdohnak ah Karen ralkap lei in a nunnak aliammi an um lo.

I kahnak ah hin Kawlralkap minung an tamtuk caah Karen ralkap nih an sakhan an chuahtak nak zong hi a si tiah an chim. Theihcia le thanhnak tuah cang lengmang bantukin tulio kawlram buainak ruangah KNU cu Karen ramkulh chungah lamzawhnak atuahmi mipi hna an himnak dingah tiah akilven hna i, khuachung ah an lut tawn. Cu ruangah Kawlralkap nih an sakhan ah an fuh lengmang i, nai hrawnghrang ah i kahnak achuahnak hi asi tiah an chim. KNU

Be the first to comment

Leave a Reply

Your email address will not be published.


*