THANTLANG, SUI HLEI TIAL RUAK VUINAK KONGAH BIAFIANG A CHUAK CANG

Tulio Laimi tampi kan buai taktak mi Sui Hlei Tial ruak vuinak konghe pehtlaiin thawngpang fiang tein langhter asi cang. Chungkhar caah siseh a theitu Laimi vialte caah cun lung a nuam hrimhrim lo. Zeitindah nawlngeitu hna nih khua an khanning asi timi zong lung anuam lo ngaingai. Sui Hlei Tial ruak vuinak kongah bifiang taktak cu atanglei bantukin hin an si.

Aliamcia September 29 zan suimilam pakua hrawngah nungak Sui Hlei Tial cu a umnak Malaysia ah Inn dotkua asangmi in a tla i, a nunnak aliam. Atlak hnu ah Malaysia Kajang Hospital ah check hlatnak an tuah i, cuticun tuthla October ni thum ah nungak Sui Hlei Tial Ruak cu kawlram lei tlunpi asi i, Nizan ah khan a ruak cu Thantlang aphan.

Sihmanhsehlaw Sui Hlei Tial ruak cu Thantlang khualuh lai Laipawng Lung timi ah Thantlang nawlngeitu hna nih khuachung luhpi an sianh lo caah Thantlang khuapawng Thang Hrim Sia zuatnak pawng ah a ruak cu an vui tiah minung tampi hna nih an langhter. Hi konghe pehtlaiin tutan ah a nunnak aliammi cu Sui Hlei Tial a cousin asimi Biak Tha Hnem nih a tanglei bantuk in a chim.

Ka nau ruak hi Thantlang a phak hnu ah khuachung luhpi an sianh hna lo. Nawlngeitu hna nih khuachung ah luhpi i, hawi sin midang an vuinak hmun thlanmual ah vui an sianh hna lo. Cucaah Pastor te le chungkhar hna zong nih nawlngeitu hna cu zaangfah an nawl ko hna nain an duh lo. A duh lomi hna hi Thantlang Ohchohszihmu le sibawipa an si tiah a chim.

Cubantukin khuachung luh le hawisin vui ding an duh lo caah Sia zuatnak pawng ah a thlan cu JCB in vawlei an cawh i a ruak cu an vui tiah a chim. Sui Hlei Tial ruak hi pastor zong nih an vui lo i, ruak vuinak zongah pastor an i tel lo tiah a chim chih. Culawng siloin tuchun tiang zongah nawlngeitu sin ah chungkhar lei nih hawisin thlan vuinak hmun ah vui dingin an nawl ko hna nain an duh lo.

Nawlngeitu hna nih an duh lo peng asi ahcun thaizing ah hin a thlan cu thatein sersiam timh asi tiah a chim chih. Cun thawngpang a vun that deuh tikah a thlan cu thial kan timh tiah a langhter chih. Hi konghe pehtlaiin minung tampi nih an ruahnak an langhter cio hna. Thantlang thlanmual hi Laipawng lung in a hrialnak a um ko. Cuticun an hrial i, hawi sin ah an vui ko tiah an ti.

Hi konghe pehtlaiin a timi cu Keimah nau asi i kanau kong ahcun thildik thil sining ka chim ko. Mi chim mi pawl kha cu ahman lomi asi caah zumh ding asi lo. Ka nau pei a si cu tiah a peh chap. Cun hi kongah TACB General chungttuan zong ca ka kuat i, kei zong a poituk ka ti, Tuzing lawngin ka theih ve. Thantlang Baptist Church pastor te zong nih an buaipi ngai ko hna. Thantlang Baptist church pastor zong nih ruak vuinak a tuah ko tiah a chim.

Kawlram chungah zawtnak a tamtuk, Thantlang zong phung le lam an ser. Sinain Sui HLei Tial hi sibawi te nih thatein a ruak an check i, zawtnak covid angei lomi asi. Inn cung atlaknak in a nunnak aliam hi Laimi malaysia a ummi vialte nih theih dih asi ko. Asinain tutan ah Thantlang nawlngeitu hna nih a tubantukin khua an khanmi hi cungah mipi zong an thin ahung ngai ti asi.Cun Nungak Sui Hlei Tial ruak a vuitu minung pali hna cu erhkhumh an si colh tiah an langhter chih. Chirhchan: TCS

Be the first to comment

Leave a Reply

Your email address will not be published.


*