THANTLANG AH RALHRANG NIH MIPI ZEIHMANH AH AN REL TI LO TUNI THIL CANG

Nihin, Thantlang khuachung ah CDF le ralhrang kahdohnak ah ralhrang lei nih mipi zawnruahnak a pelte hmanh um lo in duhpoh in hriamnam an hman caah mipi lei in hliamtuar mi pali an um lawng si lo in bomb ruang ah inn pakhat zong a kangh chih.Cu lawng si lo in inn zeimawzat a rawk mi a um.Nihin thil cang a tuar mi vialte hna, dothleng mino nih kan in tuarpi tuk ve hna. Kan lung a tha hrimhrim lo. Aho cio zong nih thlacamnak in bawm cio hna usih!

Atulio ralhrang rallokap cawlcanghnak chiahru le ral boruak ruang ah kan bochan mi CDF nih hrial awk tha lo in an kahmi hna a si caah hi boruak a siamtu ralhrang hi ahohmanh nih lung tthul lo in doti rih ko hna usih! Hliamhma tuar mi vialte Bawipa nih dam tuannak in pe hram hna seh! Inn lo kangh-uh a tong mi chungkhar Bawipa nih in hnem hna sehlaw nan tuarnak in theihpi ko hna seh! Bawipa nih thawnnak kan pe cio ko seh! Credit: TRC

Relchih Aa pehtlaimi asi. Thantlang khuapi ah inn pakhat a kaang, Tuni Thantlang thil cang cu lung attha hrimhrim lo. Tuzan lei ah Thantlang khuapi chungah i kahnak fak ngaiin a chuak i, minung a thimi le hliam a tuarmi zong an um hna. Kahdohnak ruangah minung thinphang le thlalau kan um cuahmah lio ah Inn kanghnak thawng nih a vun i zul tthan.

Tuni Thantlang Thlualam lam ah a ummi Pu Chan Vung te inn cu a kaang. Pu Chan Vung te inn hi zeiruangah dah a kangh timi theih asi rih lo. Tuni ah a kanghmi inn hi Pu Chan Vun tein asi tiah theih a si. Pu Chan Vung te hi Thantlang peng Thaukhuami an si tiah theih asi. Hi inn kanghnak ruangah hliam atuarmi le a nunnak aliammi an um le um lo theih asi rih lo. Kahdohnak thawngpang um lio ah hibantuk thil a vun chuah hi a poituk hringhran.

Thawngpang dangh: Tuchun Thantlang i kahnak ah zei sualnak ngeilo nungak pakhat an kah chih ruangah hliam a tuar. A hliamtuar hi a fak ngaingai i, a dirhmun a ttha lo ngaingai tiah theih asi. Tutiang thawngpang theihmi chungin ralhrang kawlralkap an si ko lai tiah an ruah mi minung pahnih an nunnak aliam. Tuni i kahnak ah inn zong a hrawhmi an um len tiah theih asi.

Tuni Thantlang i kahnak konghe pehtlaiin khuami pakhat nih a chimmi cu, rianrang tuk in thil a cangmi ko alo. Ralkap an i chawh kan hmuh bak in meithal thawng a chuak colh. An i kah caan hi a sau pah ngaingai. Ttuang ah kan bawk dih hna i, Meithal thawng le bomb thawng a vun um tikah hngakchia nih an ttihtuk in an ttap leng hna tiah a chim.Atu hi ca kan ttial cuahmah lio ah hin chaklei i kahnak thawngpang cu a dai ko cang. Asinain a caan caan ah thlanglei ah meithal puah thawng theih asi rih.

Be the first to comment

Leave a Reply

Your email address will not be published.


*