TEINAK HMUH CU KAN DUH DIH, ASINAIN: VP PU HENRY VAN THIO

Kawlram Vice President Pu Henry Van Thio biachim cu uar a um ko. Hibantuk thinlungput angeimi hi kan ram le miphun caah cun hruaitu tlak taktak cu an si. Vice president Pu Henry Van Thio cu Laimi or Chinmi minung zakhat ah sawmkua le pakua nih cun an dirpi dihmi asi i, zumh awk tlak taktak pasalttha, a dingfel taktak mi a si tiah an thangthat dihmi asi.

Kawlram Vice President Pu Henry Van Thio cu Thantlang Peng NLD Party Nubu hna he ton biaruahnak an ngei. Ton biaruahnak an ngeih lio ah Vice President Pu Henry Van Thio nih a chimmi tampi chungah theihtlei taktak a simi tampi chungah tlawmpal vun langhter usih. A biachimmi pawl hi ruah lengmang tikah lung a hmuituk hringhran.

Kawlram Vice President Pu Henry Van Thio nih a timi cu Teinak hmuh cu ahopaoh nih kan duh dih ko. Sihmanhsehlaw teinak hmuhnak dingah cun dinfelnak tein kan ttuah ahau e tiah a chim. Kannih cu minung a dohmi kan si lo. Unka ttha lo System tu kha adoh mi kan si. Thil a dik le dik lo cu mipi hna nih an theih te ko lai.

Cu thildik le biadik hna cu mipi hna nih an theih rih lo hmanh ah a nung kan Biak Pathian nih a theih ko. Ttihnak in luatnak ah a kalpi tu Party hi NLD Party asi. Cun Saduhthah bia cu a phunphun in chim le rel khawh asi ko. Sihmanhsehlaw saduhthah a tuah khotu si cu a fawi lomi thil a si tiah a chim. Acunglei cabia konghe pehtlaiin NLD Thantlang nih attialning tein kan vun langhter.

Vice President Pu Henry Van Thio le NLD NuBu Tonnak i VP Chimmi Cheu Khat. Thantlang peng NLD party nubu le Vice- President Pu Henry Van Thio ton bia ruah nak an ngei kho.Cu ton bia ruahnak ah Vice-President Pu Henry Van Thio nih a chim mi cu Pakhatnak.Teinak hmuh cu kan duh dih.Teinak hmuhnak ding belte ah dinfelnak tein kan tuan ahau.

Pahnihnak. Kan nih cu minung adoh mi kan si lo.Uknak tha lo system (စနစ်)a do mi kan si. Pathumnak. Thil dik le dik lo cu mipi nih an theih te ko lai.Mipi nih an theih rih lo hmanh ah Pathian nih a theih ko. Palinak. Tihnak (အ ကြောက်တရား)in luatnak ah akal pi tu party hi NLD party asi. Panganak. Saduh thah bia cu a phunphun chim khawh asi.Asinain Saduh thah a tuah khotu si cu afawi lo mi asi. Credit: NLD Thantlang

Be the first to comment

Leave a Reply

Your email address will not be published.


*