TAMTUK RALHRANG KAWLRALKAP AN THAH HNA, HRIAMTLAI AN I BAWM

Sagaing ramthen Kawlin peng ah KIA le PDF fonh ralkap nih ralhrang umhmun an kah ralhrang a thimi an tam. Sagaing ramthen.Kawlin peng Titsaihkung um ralhrang rallokap umhmun cu KIA le PDF fonh ralkap nih nihin zinglei suimilam 10 ah an luhhnahw i tiah thawngtheih asi. Zanlei suimilam 4 tiang ah i kahnak voithum a chuak tiah theih asi.

I kahnak ah KIA,PDF lei in hliammi an um lo nain ralhrang lei in hliammi le a thimi an tam tiah theih asi. Cu hlei ah Sagiang in Kachim ramkulh ah hriamnam thazaang tling in a rak phur mi mawtaw panga cu KIA Brigade 5 Batalian 5 phu le Kawlin mipi ralkap hna nih Kawlin panwgah an kah hna i mawtaw pathum khangh an si.

Mawtaw cungah a ummi rallokap hliammi le a thimi an tam tiah theih asi.Ralhrang rallokap an fahtuk caah Kawlin khua chungah hriamhme he hriamngan he mipi inn le lo an kahnak ah hriamhme kuan nih nu pahnih a hliam hna. Zahan zaanah Kawlin peng Zuashi khua ah ralhrang sinah thawngpe tu mirawitu(Dalaan) min ngei pakhat thah asi. TCP

May be an image of outdoors and text that says "ကောလင်းမြို့ KAWLIN"

Thawngpang dang. Thawngpang ttha. Kawlram kongah Russia le Tuluk an tlamtling tilo. Hmaichia in an tuah hna. Tuluk le Russia nih UN ah kawlram kongkau cu ceih tilo dingin an rak timi cu an tlamtling lo, Kawlram kong ceih dingin hnatlaknak an tuah. Hi konghe pehtlaiin NUG Union Minister U Aung Myo Min nih a timi cu UN nih tulio dirhmun topumhnak ah kawlram ai awh cu topumhnak ah tel a sianh hna lo.

September thla chungah tuah dingmi tonbiaruahnak ah kawlram ai awh in UN ah ahodah ai tel lai timi Human Rights Council nih a chuahpi cang. Hi lio dirhmun ah ram tthenkhat palai nih UN Human Right Council ah kawlram kong ceihkhan tilo dingin nawlnak an tuah. Asinain vote an lak tikah kawlram kong ceih a duhmi nih an tei hna.

Kawlram kong ceih a duhmi hi ram 26 an si i, kawlram kong ceih a duh lomi hi ram 7 an si. Vote a thla lomi hi ram 14 an si. Curuangah UN human rights council meeting ah siseh SECURITY COUNCIL ah kawlram kong cu ceihkhan ding in biachahnak tuah asi cang tiah a chim. Kawlram konghi ceihkhan ti lo dingin Tuluk le Russia nih an chuahpi mi cu a tlamtling ti lo.

Be the first to comment

Leave a Reply

Your email address will not be published.


*