SUU KYI KONG THAWNGPANG HI BIADIK A SI HNGA MAW?

Kanpi Suu Kyi cu a lungdong ruangmang ko cang rua. Ka fale sin ah um ka duh ko cang tiah a chim. Hi thawngpang hi a dik le dik lo theih a si lo. A si nain Kawlram Newspaper a simi, 7Day News Journal nih nihin July 16, 2021 ah an tial ti asi. Kawlram ah um ti loin, London ka fale sin ah kal in, khuasakthai ka duh ko cang tiah Aung San Suu Kyi nih Min Aung Hliang he an i ton lio ah a chim” tiah Newspaper kan tarlangh mi khi zoh uhlaw nan hmuh hlai.

Cun a chung zong ah cabia tampi an tial chih mi a um nain, screenshot lawng a si caah a chung cabia pawl cu a fiang tuk lo. Hi thawgpang hi lih zong a si kho, an mah ralkap lei minung nih ram mipi hlennak ding ah tiah lih in an tial mi zong a si kho. A hohmanh nih biahram le biadik taktak theih a si fawn lo. Nizaan July 15, 2021 ah Daw Aung San Suu Kyi le Min Aung Hliang tonnak an ngei tiah an tial fawn cang.

Cun nihiin lila ah Aung San Suu Kyi nih London a fale sin ah khuasak le um a duhnak kong cu Min Aung Hliang he tonnak an ngeih lio ah a chim” tiah an langhter hoi fawn. Ralkap lih thawngpang maw a si mipi nih lih an phuah mi dah a si, a si lo ah thawngpang dik dah a si ko timi theih khawh a si rih lo. Daw Aung San Suu Kyi in England ih a falepawl hnenah tlun a duh thu Gen. Min Aung Hlaing a sim tiah thuthang hrekkhatin tuisun an ngan.

Thungai a si le si lo theih ban a si hrih lo. Hihi thungai a si ahcun Civil War cu kan naih deuh deuh tinak a si ding. Anih hi ramsung ih a um/MAH kut sungih a um sung cun doawk ngaingai a theih lo ding. Leng ihsin NUG tla a hoha tum sawn tla a si thei.

Thawngpang dang: UK Parliament nih NUG Theihpi Ding in UK Cozah a Forhfial. UK Parliament nih Myanmar phungning cozah ah NUG theihpi ding in le SAC hi official cozah bantuk in siter lo ding in UK cozah sin ah forhfialnak a tuah, tiah VOA nih nihin zaanlei ah a ttial. UK parliament nih NUG theihpi ding in a halnak kong cu UK ramleng vuanci zung nih cathanh a chuah i, “Myanmar ramchung miphun vialte buaktlak covo tinco ding timi NUG dirhmun kan hmuh caah atu bantuk in kan forhfialnak a si,” tiah a langhter.

Cu lawng si loin “NUG hi hmailei Myanmar ram cozah ah ruah buin pehtlai a herh bantuk in uknak a ramhtu ralbawi pawl kan dirpi hna nakhnga lo abiapi tuk,” tiah cathanh ah an langhter chih. Cun, Myanmar innpa ASEAN ram pawl he kutsih in rianttuan tik ah Myanmar ramchung i ramkhel thongtla pawl thlah an si nakhnga kan chimrel zong a hau tiah an ttial chap.

Myanmar ralkap ralhriam cawk/zuarh phihkham khawh a si nakhnga UK nih a hruaimi ralhraim phitkhamtu bu ser ding zong in UK cozah sin ah forhfialnak an tuah. SAC nih NLD kut cung in uknak an chuh hnu ah UK nih Myanmar ralbawi tampi dantatnak a pek cang hna i kanhnu July 6 zong ah khan Min Aung Hlaing le Soe Win dantatnak a rak pek chap hna. Credit: The Chin Journal

Be the first to comment

Leave a Reply

Your email address will not be published.


*