SUI THA CINZAH CABIA KONGAH PU HTET NI A HOLH CANG, A CHIMMI A HMANTUK

Sui Tha Cinzah nih cabia attialmi konghe pehtlaiin CNF/A in chimnak nawl a ngeimi Pu Htet Ni nih thil sining alanghter cang. Tuzing ka ah Sui Tha Cinzah timi nih alanghtermi cu hitihin a si. Ramdang ummi vialte, CNF bawmhnak hi pe ti loin CNA lawng hi kan bawm cang uh. CNA cu meithal kan i tlaih i ramlak ah miphun le ram kan dirkamh lio ah CNF pawl cu hotel man fakfak ah an riak.

Motor thatha an i cit, CNA zawn zeitik hmanh an ruat lo. Chinland Club i thawhmi vialte CNA kut ah a phanmi 30% a tling bal lo. CNA nu le ngakchia zohnak ah tiah Australia i nan fund vialte CNA ralkap sin ah a phanmi hi nan thawhmi chungin 30% a phan lo. CNF upa pawl nih an ei an ei hnu i cabuai tang i a tlami tete lawng kha CNA sin ah an kan phawt sawhsawh mite a si.

Atu zong CNA pawl cu thirle phang lengmang in ramlak ah kan um lio ah CNF kan pa le chungin Sui Khar te pawl Pu Htet Ni te pawl cu Hakha, Thanlang, Kalay, Aizawl ah motor thatha in hotel thatha ah an riak i Kawlram ralkap he i sinpi ngai in anmah tang tein an i chok lengmang ko. USA ah CNF upa pawl cu meeting tuahnak ah vanlawng thatha an i cit.

Rawl thawthaw an i dang, Kan nih CNA pawl cu rawl ei awk hmanh kan ngei ti lo.CNA kan ngeih a chia tuk ti hi rak kan theih piak uh. Cucaah Kawl ralkap dohnak ah nan tangka hi thawhmi hi CNF ah pe ti loin direct in CNA sin ah kan kuat cang uh law tiah kan in nawl hna. Credit: CNA ralbawi Min chim aduh lomi tiah tuzing ah Chinmi or Laimi vialte umnak Facebook group ah cabia attial.

No description available.

Hi konghe pehtlaiin Pu Htet Ni a chimmi cu CNA ralbawi min in a diklo mi catial hi buaipi len caan kan ngei lo. Social Media (facebook cahmai) ah, min langhter lo mi Chin National Army (CNA) ralbawi min in ca an tial mi tuktak hna hi buaipi caan kan ngei lo, tiah CNF Chimphuannak Nawlngeitu Pu Htet Ni nih March 15 zaan ah a fianter. CNA ralbawi min langhter lo mi nih CNF le CNA kar i hmuhthiamlonak, ti lei in a chim i an tial mi cu screenshot he a tang ah kan hun taarchih.

CNF le CNA then thiam a si lo. Aa then kho mi zong a si lo, hi post luklak ruang ah ram dawtu sin in bawmhnak zong a zor hlei lo, tiah Pu Htet Ni nih The Hakha Times ah a chim. Kan mipi (mizapi) zong nih nihin tiang nan kan dirpi ko. Cheukhat nih nan kan uhtanh fawn, nan mawh lo. Amah belte, bia vaakvai sawhsawh pawl hi rak zum duh hlah u, tiah Pu Htet Ni nih a chimchap. Credit: The Hakha Times.

Be the first to comment

Leave a Reply

Your email address will not be published.


*