SUI HLEI TIAL RUAK BULH NAK A CHUAK MI DIHLAK CHUNGKHAR NIH AN CHIMMI

Malaysia ram ah inn cung in a tla i a nunnak a liam hnu, Thantlang ah ruakvui ding in an rak tlunpi nain Thantlang Peng chung COVID-19 zawtnak lei rian ngei upa hna nih khuachung ah luhter an duh lo i, lamkam ah ruak vuiter a si mi Mai Sui Hlei Tial (kum 21) upa bulhnak cu tangkafang in sing 900 fai a chuak tiah theih a si. Mai Sui Hlei Tial bulhnak ca ah tangka a tho mi hna hi America,

Norway, Australia, Denmark, Malaysia, China, New ZeaLand, ramchung ramleeng, Pu Cung Hu, Dr. Hre Mang (USA) hna hi an si. Mai Sui Hlei Tial he chungkhat a si mi Pi Ni Len nih, “Bulhnak tangka hi a dihlak in a chuak mi sing 900 fai a si. Hi bulhnak tangka a chuak mi zong hi Sui Hlei Tial i hringtu a nu inn saknak ca ah kan hman lai ti hi kan i ruahmi a si. Aruang cu an inn hi a chia cang, thlam bantuk a si.

Cun, a nu zong hi kum 40 lawng a si ko nain, a cuap lei damlonak zong a ngei i, atu le tu sii-inn ah kal a hau peng mi a si. Atu bulhnak tangka hmuh mi chung in sing 300 man inn kan cawkpiak hna lai,” tiah The Hakha Post ah a chim.Mai Sui Hlei Tial hi 2020 September 29 zaan suimilaam 9:00 tluk ah Malaysia a umnak dot 9 sang inn cung in a tla i a nunnak a liam. A ruak hi 2020 October 3 ni ah Yangon International Airport a phan. 2020 October 4 zaan ah Thantlang a phan i, Thantlang peng chung Cozah rianngei hna nih an luhter duh lo ca ah lamkam ah a ruak an vuiter hna.

Asinain, mizapi le media hna bawmhnak thawng in lamkam a ruak an vui mi cu an laakter than hna i 2020 October 6 Thantlang thlan ah an phumter than hna. Chin Ramkulh Cozah lei nih Sui Hlei Tial a ruak lamkam an vuiter mi hna kong he pehtlai in, “dawtnak le zawnruahnak in kan tuah mi a si,” tiah lehnak an tuah nain mizapi le chungkhar hna nih an cohlang duh lo. Credit: The Hakha Post.

Relchih: Nan Thlacamnak Pathian Nih Lehnak Atuah Cang. Donald Trump nih Martial Law athanh! Biden President ding a fiang ti lo. Biden nih Inauguration caah timhnak angeih mi cu thawngpang ahim lo caah thawn tthan asi tiah Justthenews thawngzamhnak nih alanghter. (Biden inauration rehearsal postponed due to ongoing security threats @jssolomonReports. Biden nih inauguration timhtuahnak cu a cancel cang. Thawngpang a him lo caah Washinton DC zongah akal lai lo. ( Biden cancels inauguration rehearsal & D.C. Trip over Security Concerns. Biden nih Inauguration a cancel cang, Donald Trump nih arian apeh zulh lai,

Mainstream news asimi ABC, NBC, MSNBC, CNN an licence phih an si lai tiah beforeitsnews nih alanghter tthan. US Army Paratroopers hna cu 173rd Airborned Brigade ah an duty cang.January ni 13 in khan tanglei siseh cunglei tiangin Operation an thok cang. ( US Army Paratroopers assigned to the 173rd Airborned Brigade conducts Airborned operation 13 Jan 2021). US ralkap 116th IBCT, Virginia Guard ralkap pawl Airmen hna cu D.C ah an duty dih cang, (US Soldiers assigned to the 116th IBCT, Virginia Guard Soldiers, Airmen stangding guard in D.C).

Hi konghe pehtlaiin Senate Majority leader Mitch McConnel zong arian in a chuak. Amah hi Trump leirawitu asi i, anupi hi Tuluk asi i, Tuluk he pehtlaihnak angei tiah an rak timi kha asi. Culawng siloin a lam kip tutan thimnak kong he pethaliin Donald Trump cu tthumh thlak atim taktak mi khi asi. Akonglam hi thatein kan langhter te lai. Tutan ah thil sining aum tu ning hi vun langhter atawinak in asi.

A cunglei thawngpang sining vun zoh tikah America cu Martial Law tangah a um lai tiah zumh a um cang. Ralkap vialte duty an tuah dih bu ah Biden inauguration postpone/cancel an tuahmi phen ah abiapi ngaimi thil cu a um hrimhrim ko lai tihi zumh asi. Hi konglam hi News Channel siseh video in an langhter mi chungin ka rak langhter mi asi i, thawngpang fiang ka vun langhter tthan lai. Credit. Dr PC Biaksiama

Be the first to comment

Leave a Reply

Your email address will not be published.


*