SIZUNG AH THAN SHWE A HMUTU NIH A DIRHMUN A CHIMMI

Than Shwe le a nupi sizungah mit in a hmutu pakhat nih an konglam zapi sin ah a chimphuan cang. Than Shwe le a nupi cu sizung ah zohkhanh an si i, atu an umnak Naypyidaw sizung ihkhun thongkhat umnak ah lakhruak in zohkhanh le thlopbul an si tiah mit in a hmutu ralkap bawi tthing pakhat nih RFA thawngzamhnak ah a chim phuan.

Apeh rih mi cu Than Shwe le a nupi hna cu a liamcia nizan tihni August ni 10 ah khan Naypyidaw Babu-Thiri township House no A1 ah PPE thuam i hruk loin an kalpi hna i, cu nih a langhtermi cu i check sawhsawh dingmi an si lonak alanghter tiah a peh chap. Asinain nizan ah Than Shwe cu a nunnak aliam tiah thawng an thanh nain a thi timi cu a hman lo tiah a peh tthan rih.

Than Shwe hi a tu ah kum 88 a si cang i, a liamcia kum 1992 in 2011 tiang ram hruaitu lubik Prime Minister, State Peace and Development Council Chairman sinak le Army Chief sinak zong atlaimi a si. A nupi Daw Kyaing Khyiang zong a tuhi kum 89 chung aluh lio a si cang tiah an langhter. Acunglei langhtermi hi ralkap officer tthing pakhat nih RFA thawngzamhnak ah a chim.

The State Counselor Keeps Her Former Enemies Close

Thawngpang dang: Kawlralkap ralhrang hna nih thlapa thlaruk chungah NLD Party chungin minung 324 an tlaih cang hna. February ni khat thok in ralhrang kawlralkap hna nih uknak an lak i, atu thlapa thlaruk chungah NLD Party chungtel minung 324 an tlaih cang hna. Hi an tlaihmi hna chungah ramkulh le ramtthen hluattaw palai hna zong an i tel tiah NLD CEC chungtel pakhat nih a chim.

Rampi huap in ralhrang kawlralkap hna nih NLD Party chungin an tlaihmi hna lak ah minung 99 hi hluttaw palai an si tiah a chimchap. Party CEC tuanngeitu minung 19 chungah minung 15 an tlaih hna i, minung panga hna cu Vuancichok an si. Cun ralhrang kawlralkap sakhan ah minung pathum an nunnak a liam i, thonginn ah pakhat a thi tiah a chimchap.

Ralhrang kawlralkap hna nih cun NLD party hrawh dingin biachahnak an tuah i, an zung zong an hrawh dihnak a um len. Hi konghe pehtlaiin apeh tthan rihmi cu NLD party cu mipi nih dirhmi a si caah zeitik hmanh ah hrawh khawh dingmi a si lo, Mipi nih an cohlan lomi party cu a rawk colh ko lai. Mipi an um chung paoh cu NLD party hi a um peng ko lai tiah a chim. Apeh rihmi cu NLD hruaitu tthenkhat le khuate ummi siseh chungkhar in a zaammi zong an um tiah a peh chap.

Be the first to comment

Leave a Reply

Your email address will not be published.


*