SHARE CIO UH: THAWNGPANG TTHA TAKTAK A CHUAK CANG

Share Cio Uh. Min Aung Hlaing cu a ttah lawng chuak ko cang lai hih. Kawlram kongah India lei in thanhnak an tuah cang. Kawlralkap ai awh in Falam uktu nih Mizoram Champhai lutlai sin ah Mizoram Champhai ah a ummi Kawlram palek minung pariat a rak zammi hna cu kawlram ah rak kua hna uh tiah cakuat a rak ttial. Asinain India Union Home Minister Amit Shah nih Kawlram ralzam caah thawngpang ttha taktak thanhnak fiang ko in a chim.

India Union Home Minister Amit Shah nih a timi cu ralzam hna hi kuat an si lai lo tiah fiang ko in Mizoram Chief Minister Pu Zo Ram Thang sin ah theihternak a tuah cang. Kawlralkap nih february nikhat ah rampi cu phungning loin uknak an lak ruangah ramchung mipi hna nih kawlralkap hna cu biatak tein hmun kip le kaakip an doh hna.

Cutik ah kawlralkap le palek hna nih duhlonak alanghter mi ramchung mipi hna cu biatak tein an kah hna in an tleih hna. Minung tampi nunnak a liam cang. Hi ralkap tuahsernak ruangah palek tthenkhat hna cu CDM ah an lut i, mipi lei ah an ttang hna i, an rian vialte an chuahtak hna. Palek tthenkhat CDM atuahmi hna cu ramchung ah an him ti lo caah an zam hna.

Minung tthenkhat hna cu Thailand ah an zam hna i, minung tthenkhat hna cu India ah an zam hna. Hi a zammi chungah Falam palek uktu nih india ah a zammi palek minung pariat hna cu rak kan kua tthan uh tiah Mizoram Champhai lutlai sin ah cakuat an ttial. Cu kong cu Champhai uktu nih India Home Minister sinah theihter nak an tuah.

Sihmanhsehlaw India Home Minister nih Mizoram Cozah Chief Minister sin ah ralzam pawl hna cu kuat tthan an si lai lo tiah theihternak atuah cang tiah Mizoram thawngzamhnak ngan asimi Zonet nih a langhter. Theihcio bangin Falam uktu ralbawi nih Cakuat arak ttialmi kha aliamcia kan hnu zarh march ni 5 ah khan a rak si.

Sihmanhsehlaw tutan ah thawngpang fiang tein India cozah nih kawlram ralzam kongah thawngfiang athanh cang. Tuan deuh ah khan India cozah nih Kawlram ralzam hna hi kan cohlang hna lai lo tiah an rak langhter hnu ah kan Unau a simi Mizoram Lawngtlai zong nih thanhnak an tuahmi an rak letnak kha asi. Atu ahcun mizoram cozah nih kan sikhawh chungin kan in zohkhanh cang hna lai tiah an thanh pin ralzam zong kuat an si lai lo tiah an chim.

Thawngpang Dang Relchih: Myanmar Ralkap Tazacuai Ding in Upadi Thiamsang Bu kan Hlan Cang, tiah Dr. Sasa nih Theihternak Tuah. Myanmar ram uknak a chuttu le lamzawhtu pawl cung ah tuksum nuhrin covo buarnak a tuahtu Myanmar ralkap tazacuai ding in vawleicung minthang upadi thiamsang bu (Volterra Fietta) kan hlan cang, tiah Dr. Sasa nih theihternak a tuah.

Hi bantuk tazacuainak rian hi caan sau cu a rau ko lai. Sihmahsehlaw, tuksum nuhrin covo buarnak a tuahtu ralkap, palik le a dang ttuanvo ngeitu minung hna dantat an si nakhnga kan thiamnak dihlak, kan sining dihlak le kan thazaang dihlak in kan ttuan lai. Tazacuai nakding ah a herhmi tehte tampi kan khawmhsuat cuahmah lio zong a si,” tiah Dr. Sasa nih a langhter.

Dr. Sasa te nih an hlanmi upadi thiamsang bu Volterra Fietta hi vawleicung upadi lei ah mi nih an upat ngaimi Robert Volterra nih a hruaimi bu a si. Cun, vawleicung ram kip ah nuhrin covo buarnak case kong a tawlreltu Alvaro Nistal zong Myanmar ralkap tazacuainak rian ah aa tel ve lai. Robert Volterra le Alvaro Nistal hi International Criminal Court (ICC), International Court of Justice (ICJ) le a dangdang vawleicung biaceihnak zung pawl ah ram tampi aiawh in rian a ttuan cangmi hmuhtonnak ngei upadi thiamsang an si hna. (CRPH’s Statement). Credit: The Chin Journal

Be the first to comment

Leave a Reply

Your email address will not be published.


*