SALAI VAN BAWI LIAN DEBATE SAWMNAK SALAI DOKHAR NIH A COHLAN

Martin Van Bawi Lian nih Debate sawmnak atuah mi cu Salai Dokhar nih lunglawm tein a cohlang cang. Salai Van Bawi Lian nih Debate sawmnak a rak tuahmi cu atanglei bantuk in mipi sin ah sawmnak a rak tuahmi cu Debate Sawmnak. Chin ramkulh ah NLD siseh, USDP siseh aralaimi ramkomh thimnak ah MP aa cuh ding nan i fian cang caah ramkhel debate tuahti ding in upatnak he kan sawm hna.

DEBATE ah pumpak kong si lo in ram le miphun caah kan ngeih mi hna, Pakhatna. Party Policy, 2. Thanchonak, Pawngkam zohkhanhnak, Remdaihnak, Zatlang kong he aa pehtlaimi Policy hna, Pathumnak. Kan Meekuang caah zeidah kan tuahpiak hna lai. 4. Zeitindah cozah kan zohkhanh lai. 5. Upadi zeidah kan remh lai, Zeipawl dah ser a harh. 6, Miphun le ram caah kan ngeihmi vision le mission.

Acunglei kan ngeihmi policy tlamtlinnak ding ah zeitindah kan kalpi lai i Chin miphun le Kawlram caah thatnak a chuahpi lai timi kan i ceihmai hna lai? Debate cu kaphnih hna tlakmi minung sawm in zapi ngaih khawh dingin kan tuah lai. Upatnak he, Salai Van Bawi Lian (Martin) tiah a rak ttialmi cu asi.

Hi debate sawmnak konghe pehtlaiin Salai Dokhar nih atanglei bantukin lehnak le cohlannak atuah mi cu asi. Upatmi Martin Van Bawi Lian, Na debate sawmnak ca kha ka hmuh i, mah na sawmmi hna ah khan keimah Salai Dokhar (Independent) tel ve angah ahcun upatnak he kan cohlan tiah thawng kan thanh. Ka lawm, Upatnak he Salai Dokhar tiah a cohlannak alanghter.

Relchih aduhmi caah hihi relchih khawh asi. Thimnak thlihran ah Khrihfabu dirhmun.Tukum thimnak cu a thlihran a fak ngai cang! Coronavirus zong an hranh chih pah caan a um cang! Cucaah thimnak thlihran nih choih sual lo ding a biapi ngai ngai. 1. Pastor te a kan choih lo ding a biapi. Pastor te thimnak kongah a kan hranh chih pah cang. A nem deuh le a fak deuh kan si.

Kan member ah party tam pi an um tikah anih khi cu a chim dingmi ka hngalh cia vei kong a chim hoi ko lai cuh tiah an kan timi kan tam pi cang. Kan ruahnak an cohlang huam ti lo.Anih cu cu party a si le kannih cu a party kan si lo tiah fiangtlar le pet ko in chimcaihmi kan tam pi cang!Cucaah member lungthin ah thimnak thlihran nih choih ciami kan tam ngai cang. Vote a ngei lomi pastors nih vote a ngei mi kan member lungthin ram ah vote kan ngeih a biapi ngai ngai ve.

Pahnihnak. Hruaitu, Khrihfabu hruaitu upa hi party chung zongah mi za an tam pi ve. Minung ruahnak le lungthin ai dan bantukin party an i dang cio. Church chairman NLD, Vice chairman USDP le Church secretary CNLD Khrihfabu ai tanhmi hna um ahcun meeting ah party kong ceih sual ahcun dongh hngalh dawh si ti lo.

Pathumnak. Chungtel, Thimnak voi hnih chungah ai si mi um leen a si cang. Party kan ttanhnak ruangah kan i si nain kan thimmi MP nih siknak kongah an kan sik chin lehlam lai. Ttanh zia thiam ding a biapi. A party policy in a minung in zoh ding tiah ba khaih in kum hra chung a kan khaih cang le tukum zong a kan khaih cuah mah ko le kan vote peknak cu kanmah nawl bak si ko caah tuaktaan zia kan thiam cio cang ko le kan duh mi te pek ding si ko.

Midang nih vote ve hna seh ti duh ruangah, kan ttanhmi party an soisel ruangah thih ka ngamh ti phun in cawlcangh i MP pawl nih an kan hngal lo, an kan tlawng lo tiah thangchiat hman than tu hi a tha deuh lo mi a si. Pumhnak um lo chinchap, thim kum he iton chinchap ahcun a thawt lo le a sat ai phua tiphun in kan zumhnak, kan Khrihfabu cio hi hransual a fawi te.

Thimnak thlihran a fak chin leng mang lai! 2020 nak in 2025 ah a fak deuh te ko lai. Khrihfabu dirhmun zong a hnih chin leng mang ve. Khrihfabu cheu khat ah party a cawlcang tukmi Khrihfa upa ah an thim ti hna lo. Pastor te zong thimnak kong ah a cawlcang tukmi zumhnak ah a der thawmmi ti phun in soisel le thangchiat caan a phan te kho! Thimnak thlihran nih Khrihfabu a hranh cuah mah lio ah kan zumhnak choih sual lo ding a biapi. Credit: Ca Cung Bik