SALAI LUNGTHLITUM NIH PU NO THAN KAP A VUN TTHUAT CANG

Tutan Pu No Than Kap thiltuah mi konghe pehtlaiin Salai Lung Thli Tum nih a hlan ah a rak chimmi bia pehtlaiin a vun tthuat tthan cang. Salai Lung Thli Tum nih a timi cu, Anih khi kan miphun caah tihnung virus a si tiah a tuahsernak tuanbia zoh in tam ngai ka rak tial. A dikmi ka tial ko nain phuntanh ai timi pawl nih cun thah nan rak ka timh. Live interview ah fawi tuk in an hlen khawh hna caah nan hei uar tuk ning kha.

Hakha le Thantlang a rak tlung i congnak puan he Jesuh don bantuk in nan rak don kha mu, amah he hmanthlak ti nan hei uar ning kha.Atu cu kum khat hmanh tling rih lo, ka chim cia bang a tial taktak a chuak than cang. Tuhnu thimnak ai cuh than tik zong ah vei pawl khi cu fawi tein an hleng than khawh rih ko hna lai dah. Credit: Salai Lung Thli Tum.

Lung Thli Tum Nih Pu No Than Kap Le Pu Zo Zam A Hei Soi Hna Cu Utlak Nih  Vuipi Doh Bantuk Si -

Relchih Aduhmi Caah, Mi fawrh fial ah ruah hrimhrim hlah uh kawl ralkap uk nak a dih hlan pohpoh cu har sak nak le tem tuar nak cu a dih lai lo caah .A tawi fiang nak in ka tial lai.Mindat thawngpang cu kan theih cio bang in an tem tuan lawlaw khi a si. Cu ve bantuk in a tu hakha CDF nih bia tak nawn in i kah doh nak tete a um pah caah kawl ralkap lei in thazang an chap chinchin lai caah hakha ah kawl ralkap milu an tam deuh tik ah mindat bantuk in kawl ralkap hi an cawl cang kho mi a si caah hakha telh in lai thlang chin ram pohpoh kan cawl canh dih a hau cang.

Chin pasal tha lai pasal tha a tu lio can ah hin cun um sawhsawh awk a tha bak lo ram le miphun kan dawt taktak ko i hmai lei kan te fa caah ro tha roh kan duh hna taktak ah cun kawl ralkap hi kan doh bak a hau.A tu thawngpang thar a leng mi cu kalaymyo lei in kawl ralkap an rak kai ti a si motor tam nawng in mah hihi kawl ralkap lai tlang lei a rak kai mi hi kan doh i kan kham bak a hau cu lo ah cun mindat bantuk in hakha falam tidim thantlang hi tuah a kan timh ve,

Caah kawl ralkap nih Tah chunh nak ah mindat bantuk in kawl ralkap khuachung ah an cawl canh taktak ah cun chin ram lai ram pa pohpoh cu tleih le khih thiamthiam kan si ko lai caah a tu bak in timh cia in zei dah ka tuah ding ti mi hi mah tein i theih bak a hau cang.Ka chim mi hi phun dang in ka ruah piak hlah uh kawl ram cu ral ram pi ah a cang caah kan ton cuah mah mi le hmai lei kan ton hnga ding mi hi kan hrawnh ve hna. Credit: PT Satu

Be the first to comment

Leave a Reply

Your email address will not be published.


*