SALAI LUNG THLI TUM A LUNG AA THLENG CANG: PU TIN DUH THANG

25 July 2020 Ni Ah Khan, Salai LTT Cu Damascus Hauka Ah Thlarau nih Teng Lak A Kah I A Min Thlen A si Cang. 2020 Myanmar rampi election lamthluan ah miphundang Party a tanh tuk mi le NLD ai thih pi dengmi ,”Salai Lung Thli Tum cu Miphun dawt nak” Nationalism thlarau nih teng lakin a kah.

Mah cucun, kawl mi phun nih cung lei in Varit na duh ah cepa i laak ti mi pupa phung bantuk an duh poh in an kan nawn nok nak cu a van i fiang tuk cang caah, Thantlang peng in MLA cuh ai tim vecang tiah theih a si, thazang pe cio hna usih. Salai Van Bawi Lian te,Lungthlitum kheng,te pawl ,Chinchin te pawl bantuk hi tha peek a phu mi an si.

Ai tinhnak belte hi a tha lolei a si sual hnga dek maw? a si cu ka zumlo.Kan theih bantuk in,Damascus lam pi ah thiang thla rau do tu Soul cu ,”Pthian nih ceu nak in tlu lak in akah,Mah hnu cun, Saul sitilo in ,”Paul tiah thlen a si.Mahbantuk in,”Salai Lungthitum ti lawng si ti lo in,,”Salai Lung thli Tum Kheng (Pakheng)tiah thlen a si i,a lungthlitum kheengtu si hram dingin duhsaknak sangbik kan pek. Credit Pu Tin Duh Thang.

Salai LTT Thanhnak Tuahmi: Fimcawnnak le rum kawlnak hnu in ram le miphun ca pumpeknak lamthluan lei ah Caan sau ngai khua ka ruah hnu ah tukum thimnak ah Thantlang peng Pyine No.2 in luh ve ding biachahnak ka tuah, ka nu le ka pa zong nih thluachuah an ka ham piak cang. Fimcawnnak ah India college tha bik a si vemi Loyola College in bachelor ‘first class’ ka dih, ka chunmang a simi England zong ah MBA ka dih fawn.

Pumpak rumnak chawva zong ka kawl than i ka tinhmi dirhmun cu ka phan cang. Atu hi ram le miphun caah ka sining dihlak ka pek caan a si cang tiah ka ruah. Ram le miphun caah saduhthah tampi ka ngei ve, nain ka saduhthah tlinter ding ah midang rinh awk an tha lo timi fiang tein ka theih. Hi ruang ah keimah pumpak hrimhrim luh ka tim hi a si.

Independent in ka luh lai caah MP ka tlin ahcun vuanci le CM tibantuk cu tutan ah ka ngah lai lo a fiang. Nain, MP pakhat dirhmun in ka si khawh tawk Chin miphun dihlak caah riantuan kaa zuam lai. Khuate ka kal tik zong ah ka tuah khawh ding lawnglawng bia ka kamh hna lai.Kaa tinhmi hi tuhnu kum 5 ca lawng ah a si lo, MP sawhsawh va tuan lengmang ding zong a si lo.

Chinram caah ka saduhthah ka tlinter khawhnak ding caah cun Chief Minister tal ka si te hrimhrim a hau. Kum 15 maw kum 30 tiang a rau kho.Suu Kyi cu ka uar tuk, ka thih hnu tiang zong ah ka upat ko lai. Nain, ‘central power’ a tam tuknak party NLD ah cun zeitik hmanh ah luh kaa tim lo. Doh zong ka tim fawn hna lo, an tlamtlin lonak belte cu ka phuan pah te ko lai. Bawmh khawh tawk zong bawmh ka timh fawn hna.

Cun, CNLD bantuk in thutnak ngah duh ah miphun min zuar kaa tim bak lo. Ka party min ah Chin ka telh(te lai) ruang ah vote pek ding ka si lai lo, ka tuahsernak tuanbia le miphun ka dawt le dawt lo ruang deuh ah vote pek or pek lo ding a si lai.Pumpak hlawknak caah si loin miphun caah riantuan a duhmi poahpoah he rian ka tuanti lai, hawikom ka ser hna lai. Nain,pumpak hlawknak a duhmi belte cu hrial an si lai.

Keimah meehmun ah aa cuh ding hi Dr. Hmuh Thang, Saya Rung Kaw le MP Ni Sui Lian an si. Miphun a dawmi lawngte an si ve. Keimah caah harnak tampi a um lai, nain a dikmi zumhnak a um ko ahcun teinak a um hrimhrim lai tiah ka zumh. A donghnak ah, MP ka tlin ahcun ka ngahmi hlawh fangkhat hmanh kaa lak lai lo. Keimah nak a herh deuhmi sifak harsa bawmhnak caah a dihlak in ka hlut lai. Pathian nih lam ka hruai hram ko seh. Salai Lungthlitum