KAN FER LE PAHNIH FAK IN SALAI AN DIRPI NAK AH AN MUALPHO CANG AI

Salai Lung Thli Tum kan dirpi an tinak ah kan far le pahnih cu mualpho in an um ai. Salai Lung Thli Tum dirpi loin phundang pi ah an chuah ruangmang ai. Kan far le pahnih Salai Lung Thli Tum cu kan ram caah KHAM-TU asi tiah an thuat diam ko. Culawng siloin Messiah zong KHAM-TU ah an chuah tthan rih.

Kan Bible chungah Messiah hi Khamtu a si bal lo. Messiah hi Khamtu siloin Khamhtu asi. Kan far le pahnih nih cabia he an vun langhter ve i, Salai Lung Thli Tum cu kan ram ah mi khamtu messiah bantuk asi lai. Vote lanhtak hlah tiah an tial. Cun pakhat zong nih Salai Lung Thli Tum cu ram le miphun caah a ngeichia chawva pek a siang pengmi pasal tha asi tiah an ttial chih.

Cabia an ttialmi hi thatein zoh ulaw, Khamhtu timi ai ah Khamtu tiah an ttial. Hihi cabia sullam van le vawlei bantuk in a sullam aa dangmi asi. Cun pakhat cabia zong hi zoh rih uh. Ngeihchiah or Ngaihchiah kan ti lai an tinak ah ngeichia tiah an ti tthan rih. Sullam dang pi ah an chuah tthan rih. Salai LTT kan dirpi an tinak ah an mualpho diam ko hih.

Hihi relchih:Khrihfa mi hna nih kan zumh mi le vawlei cung misual a kan khamh i pa sinah kal khawhnak lam a kan serpiaktu,”Khrih Jesuh cu mah ti men ding hi cu a si hnga hme maw?Salai LTT Cu ,”Jesuh’he hna an tahchunh hoi cang i bia lo chin lengmang kan chuak.Jesuh nih cun a tanglei bantuk in a chim,”Mathai 9:29-31.Cun Jesuh nih an mit kha a tongh hna i, “Nan zumhning te cun si ko seh,” tiah a ti i 30annih cu khua an hmu kho òhan.

Annih cu Jesuh nih fak piin, “Hihi ahohmanh va chim hna hlah u,” tiah a ti hna. 31.Sihmanhsehlaw an kal i Jesuh kong cu cuka hrawngah cun an thanh dih.Mathai 6:1-5.“Thil ṭha nan tuahmi hi zapi nih ka hmu hna seh ti duhnak lungthin in mizapi hmaiah nan tuah nakhnga lo i ralring u. Cu ti nan tuah ahcun vancung khua i a ummi nan Pa sinin laksawng zeihmanh nan hmu lai lo.

“Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu! 3Sihmanhsehlaw nannih nih cun mi kha an herhmi thil nan ṭhenh hna tikah, nan hawikom ṭha bik hmanh nih thei hlah seh, ti in va tuah u; 4nanmah lawngte nih va hngal ko u. A thli tein nan tuahmi a hmutu nan Pa nih khan laksawng an pek hna lai.

Biatlang kawmnak:”Jesuh nih cun thil tha a tuah mi le mi a bawmhnak hna kha midang nih an theih le midang sin i va chim len kha a duh mi a si lo.Cucaah vawlei minung he cun kan ,Bawipa hi kan tahchunhawk hrimhrim a si lo. Credit: Tin Duh Thang