SALAI LAL LIAN: CNLD CAAN A CU LO, A THEITLAI A THAW LAI LO

CNLD hi a caan a cu lo, a caan hman lomi thing tlai a si.A tlai thaw la lo. Federal kan ngah hnu, Mizo bantukin kan ngah hnu lawngah CNLD ah thih ngam in kan tante awk a si.Tu ahcun, zei hmanh an cawl kho hlei lai lo.Ralkap kut kha an si ve thotho ko.Federal caah kan neih chun mi hna cu, CNF/A le NLD lawng hi an si ko.

CNLD tiah a min ah Chin Party a si ruang ah, Chin mi ka si Chin party thazaang ka pek ve ti kha cu zei hua ha lo, Politic thei lo mi nih an ti mi a si.Cu si lo ah, MP aa cuh ding mi an chungkhat pawl an si lai. CNLD MP pawl mi tha nan si ko zong ah, nan Lu bik pa kha mi tha a si lo ti cu a thei mi kan nih pawl nih cun, kan lung a fak ngai ko.

CNLD in MP aa cuh ding mi kan Lai pa pawl paam nan hmai ko. Thazaang pek duh zong ah pek awk nan tha lo cu ta.CNLD nih 2008 Upadi kha a rem kho hlei lai lo, a rem duh ah cun Tlangpar Party dang he an i kom a hau, Kawl ka uar bia si lo, Kawl ca bak in Politic Chin ram caah a tial ngam mi kan herh.Na ca tial mi le, na au pi mi kha thei ve hna seh (Burma) pawl nih. Chin ram ah au len a hau ti lo. (Burma) pawl kha na sawh chih hna awk an si. By Salai Lal Lian HC

Relchih:World Bank nih Kawlram sipuazi (GDP Growth rate) sipuazi thanchonak lei a record ning ah 2014 ah GDP 8% le 2015 ah 7.3% ah a rak si nain NLD cozah a kai hnu ah 2016 ah 6.5% in 2017 ah 5.9% in 2018 ah 6.8% in 2019 kum ah 6.3% in 2020 ah 1.5% in tiang a tla. Hlan lio cozah chan i a rak nuar ngaimi GDP kha thanter awk ah a lu a thunter khawh lo leng ah U Thein Sein cozah tluk hmanh in sipuazi thangchonak a tuah kho lo. Word Bank i data ning in cun 2019 i Myanmar GDP hi $65.9 billion a si lio ah milu hi nuai 56 (2020 est.) kan si tik ah GDP per capita ti mi pumpak pakhat cio hlawh hi 2019 kum ah $1,407 a si i Cambodia ($1643), Bangladesh $1855 a si lio ah Chin Ram GDP hi $330 (Ref: 2014: Support to Chin State Comprehensive Plan 2016-2021) lawng a si.

Tuak uh law, Vawlei cung i a si fak bik changtu ram Burundi GDP hi $310 a si i pathumnak Eritrea ram khi $343 an si caah. Ngaihchia ngai a si mi cu vawlei cung ram 197 chung ah Chin ram hi Vawlei pumpi i a sifakpi ram thumnak ah kan cang hna. A si fakbik South Sudan GDP hi $277 le Burundi $310 le Chinram hi $330 ti in a va si hnga. Vawlei cung ram rum bik Luxembourg nih 2019 ah $113,196, Switzerland $83,716 le Macao SAR nih $81,151 le Norway nih $77,975 an si. Inflation rate zong hi Singapore le Thailand ah cun 0.71% le 0.57% an si lio ah Myanmar ram 2019 inflation rate cu 8.3% bak a si.

Myanmar Investment Law i Chapter VI i section 24 (h) ah Kawlram chung i ramleng tangka hrambunh (foreign direct investment) a rat tik ah dollar nuai 5 tiang cu State cozah pawl Biakhiahnak Nawl covo, permit peknak nawl (allocating power) a pek hna. Cun sipuazi pawlisi, investment pawlisi pawl a chuah cun investment law and rule a chuah Myanmar Investment Commission nih directive, instruction le notification pawl an chuah mihna lak ah MIC notification 10/2017, MIC notification 11/2017 tbt an si.

Tahchunhnak ah cu chung ah MIC notification 10/2017 ah Kawlram ah zone pathum in a then i, zone 1, 2 & 3 ti in then an si. A thangcho lo bik hmun pawl kha Zone A a ti i Chin ram hi cu “A” ahcun aa tel dih. Kachin ram khi Zone A le B ah khua ram hoih in an telh hna. Zone 1 hi kum 7 chung ngunkhuai luatternak (income tax exemptions) an pek hna i Zone 2 hi kum 5, zone 3 hi kum 3 ti in an pek hna.

Chin cozah zong nih ramleng kampani pawl a sawm ve hna nain kan Chin ram ah cun electric mei, ti le sehzung tuahnak ding le raw materials pawl a chuah lo le infrastructure a that lo ruang ah atu tiang ah Norway ram i kampani pakhat lawng a lut rih i ti in mei tha peknak hydroelectric power plant a sak lai. Norway Power Company timi a si i nuai $50 tangka hrambunh ding in a rak lut. Sihmanhsehlaw, Kawlram cozah nih mei tha a chuahmi kha ram pumpi i national grid chung ah lutter a siangh hna lo.
Private kampani pakhat hmanh national grid chung ah meitha pek ding in a hrawmh duh hna lo. Kawlram pumpi nih meitha 2,952 megawatts (MW) hi a hman. Cu chung ah Yangon lawng nih megawatts 1,105 a hman i Mandalay nih 472 megawatts a hman, Nay Pyi Taw nih megawatts 120, cun a tangmi 1,254 hi pyine le ramthen pawl ah phawt an si. Chinram nih 7 MW in a tam bik 24 megawatts tiang lawng a ngah.

Hi Norway company nih Chinram i national grid chung ah mei a pek khawh lawng ah a hlawh a tling lai. National grid i mei a thlah khawh lo ahcun Electric hri zaam, tung bunh in power station and sub power station tiang amah te in a tuah dih ding a si ahcun a sung lai. Chinram cu khuate pakhat le pakaht a hla i mi an tlawm, hmanmi mei (consumption power) an tlawm lai cun India le Bangladesh ah zuar khawh ding in a chuah kho lo. A chuah khawhmi 30 MW hi cu Chinram ca lawng hmanh ah a za rih lo.peh than ding. By Sui Hingz