FIANG NGAI IN SALAI CEU BIK THAWNG NIH PU TUM SANG LEHNAK ATUAH

Salai Ceu Bik Thawng Nih Pu Tum Sang lehnak atuahmi:Ka pa Tial Awi Pa (Pu Tum Sang)… na ca ka rel le ka lung tha ruam lo. Acheukhat na tialmi hicu ka lung an fiang lo. Kei cu pumpak in i soisel le idohkalh hi ka uar lem lo. Party le buu riantuannak ah kan ruahnak cu ai dang bak. Asinain cu ruangah pumpak dohkalh (personal attack and character assassination) ituah hi a tha lo ka ti. Ramdang ah an tuah hmanh ah Chin mitlawmte, ramkhel a notuk rihmi, dothlennak a dih rih lomi ah hi politics hi lut hlah sehlaw ka duh.

Kan ruahnak aa dang nain nan pumpak in kan hua hna lo i ka thin zong hang lo i kan doh hna lo. Pahnihnak ah; “miphun sinak in na ka phuah” timi hna hi cu miphun sinak cu Pathian nih serchihmi a si i iphuah khawh si lo. Nanmah tunih keimah pumpak kha “Thantlang peng miphun party in thihtiang” ti phun in nan ka chuah rua. Khakha cu poi ka ti lem lo kei cu.

Cun nangmah le Kawi Aung Pa (Pu LMC) party dinhternak hi kei zeihmanh kai thlak lo ka ti cang khah. Central in Commission an thlah (vice chairman pa 2) i cu an finding report in CEC bikhiahnak si i kaa khat zong kai thlak lo ka ti cang khah. Cucu “zapi sinah thanh uh” na ti caah CEC nih zeitindek an ruah hnga… “zeiruangah dah dinhter nan si” timi kha catluan in an thanh khawh ko.

Commission nih fact finding an tuahmi cahmai 5 hrawng a si. Nanmah ca zongah, aho ca zongah a tha lem lo, a herh lem lo tiah ka ruah i CEC zong nih an ruah rua ka ti. Lih le lih-lo tucu kan Pathian le upadi um ko le mahlemah ipuh len hicu aphi tiah ka ruat lem lo. “Lih/lo fiang bak ko seh” nan ti tu ahcun nanmah nawl– a ngah ko. Azeisi khom ah, ram le miphun caah kanmah le kan umnak cio in tuanti ko hna usih.

Nang le kei hna cu zeihmanh ai cuhkalhmi zong kan si lo i kan buai len awk khi ka hngal bak lo. Kan dohkalh awk le kan buai awk zeihmanh a um lo caah na cungah zeihmanh ka tuah kai thei lo i tuah awk zong a um lo le cucaah ka thinhan ding zong zeihmanh khi a um lo. Azei ah dek hitluk in na thinhan ) Azeisi hmanh ah, lei le dang hmanh ai khawng theo ti pei si cu. Lungsau tein aw. Nannih hna cu mi dingfel, zukhmawn le zeidang zongah a thianghlimmi le biaknak lei zong siseh, kumkhua zongin upa le upatmi nan si caah nanmah lila lungsau izuam hram uh.

Tum Sang nih Salai Ceu Bik Thawng Sin ah cakuat attialmi: Kai sum kho ti lo Salai Ceu Bik Thawng nih a uar tuk mi online ca kuat. To, CNLD CEC (Bahu)general Secretary Salai Ceu Bik Thawng a tu lio zeibantuk Party Sizungzi dah na tuan lio?Keimah cu a luan cia mi caan ah ph in na rak pehtlaih lengmang mi Pu Tum Sang (Tial Awi Pa)ka si. 2019 December thla i kan rak i ceih lengmang mi 2020 thimnak ah Thantlang peng Pyine No( 1 ) Candidate caah Pu Lal Mawng Cung cu Thantlang peng CLND EC nih hmunhma pek a si cangnak kong ka rak in chimh i nangmah zong nih cu ti a si ah cun zeihmanh ka chim ti lailo tiah na rak ka ti.

A mah Pu LMC zong tha tein ka chimh cang na rak ti kha mu. Nihin ni ah cun Pyine No (1) Candidate kha nangmah nih na co khawh lo caah Thantlang peng le Hakha peng ah a tu bantuk in Chin Party pahnih in ai cheunak hi nangmah ruang ah a si tiah na co hlang kho maw?Kei cu a poi tuk ka ti nang teh a poi na ti ve maw?
Cun 2016-2017 by election lio ah Pi Za Tlem cu CBT nih a kian duh lo tiah na rak ka ti ter mi lih na ka puh mi kha na thei ti maw?

Pi Za Tlem kian tu ding maw ka si tiah awlokchong in na rak ka tuah mi kha ka philh kho lo.Nihin ni tu ah cun nangmah tu nih TT peng chung ah CNLD Party pawl kha na chawh ter hna i Pu LMC nih CBT a kianh duh lo ruang ah buaibainak a chuak CBT nih Candidate a sawknak ca kha Pu LMC le Pu Tum Sang nih Party EC chung ah an luh ter duh lo ruang ah phung an buar tiin CNLD Party chung in kan dawi hna nak a si tiah na chim ter hna.

Na sawknak ca kha Party EC chung ah kan luh pi caah pei Amyotha Hluttaw Candidate ah kan luh piak ko tiah zaangfahnawlnak ca zong voihnih tiang kan in pek kha na cohlan duh lo ruang ah pei Party chung in na kan dawi ko cu. CNLD CEC(Bahu) chairman cu anmah duhnak meekuang hmun i thim khawh siseh nan ti mi CNLD phung cu theihdih a si ko caah Pu NTK le Pu Ngai Sak nih an duhnak meekuang hmun an i thim bantuk in secretary Pu CBT nih a duhnak meekuang hmun ai thim khawh ve ti mi CNLD phunglam ah a um maw?

Zei ruang ah dah ka sawk bak ti lailo tiah na ti ko mi Pyine No(1)Candidate cu voihnih tiang na sawk than i hi bantuk in Party i thencheunak tiang a chuah mi hi Pyine No(1) Candidate na co khawh lo ruang ah a si tiah na ruat maw?TT CNLD EC Committee kan hrawk lo nan ti tung ah zei ruang ah dah TT CNLD Committee a thar cu cung lei min bunh cia in nan va ser ne?

Thantlang CNLD a țhing nih cunglei ah Candidate min pek mi hna 1. Salai Van Bawi Lian 2. Dr. Van Hmun Lian 3. Saya Rung Kaw. Nan cohlang duh lo mi hna kha zei ti an um ruang ah dah cohlang than an si nak kong mipi sin ah fiannak nan tuah kho hnga maw? Cu pin ah Pyine No(1) Candidate caah CCPT direct in nan van khanh mi hi CNLD phunglam chung in maw si? Fianternak van tuah uh law tha hnga nan van fianter duh lo le CNLD Bahu nih kan ti mi cu kan ti mi si ko i phunglut a si kan duh lo mi poh cu phungbuar a si ti tel nan van chim kho hnga maw?

Salai Ceu Bik Thawng a tu lio ah cun na lar lio pi mipi nih an in uar lio pi a si caah lih zong a tha na ti mi poh cu an zumh lio caan a si i lunglawm in na kut beng peng ko.Asinain kei ka hmuhning ah cun Politic na kal pi ning hi tih a nung tuk tiah ka ruah kei nih cun miphun dawt le ramdawt in kan hmu kho lo a tu zong ah nangmah nih na chuah ter cuahmah lio mi cu Chin miphun chung in bochan mi pa can nu can a si mi hna upat mi upa pawl kha zei rel loin,

Mino mino tiin politic na kal pi ruang ah kan lai mi miphun mino hna nih Chin miphun le Chin ram dawtnak tel hleng loin nangmah Idea kha i lak zau in an cawlcangh pi ruang ah buainak phunphun na chuah ter cang hmailei zong ah Chin Miphun nih kan ton te ding mi Chin Mino hna le upa karlak ah buainak ngan pi a chuak lengmang te lai.Cu buainak i a hram pi cu Salai CBT a si ti kha na covo ding a si ti khi philh hlah.

Keimah zong bochan tlak cu ka si lo nain zahnaktlang le lungler khua cun upa pakhat ka si pin ah miphun caah ai pumpe ve mi pakhat ka si nain na power na thawn lio tuk he kai ton sual caah Chin Miphun sinak member tiang in na ka dawi khawh a poi lo,nangmah tu dam i zuam miphun le ram caah i zuam chin lengmang lih le hrawkhrol le ngian in politic kal pi tu cu a tha lem lo tiah ka ruah. Zei ti awk tha. Credit: Tial Awi Pa

Be the first to comment

Leave a Reply

Your email address will not be published.


*