NIZAN CEU BIK THAWNG CHIMNING CUN NLD PEI DIRPI DING ASI KO LAI HI

Nizan ah Dr. Hmuh Thang ( USDP) le Salai Ceu Bik Thawng ( CNLD ) debate phun nawn in Pu ABL nih bia a ruahmi hna ka zoh. Salai Ceu Bik Thawng (CNLD) nih a chim dik ngaimi pakhat cu, ram caah biatak tein riantuan khawh ding ahcun Teitu/Cozah a tlaitu si a herh e” a ti. 2010 lio ahkhan Cozah tlaitu kan si lo caah rian kan tuan khawh lonak kha a rak si a ti. Biadik a chim.

Salai Ceu Bik Thawng nih a chimmi bantuk in, thimnak/election ahcun Rian a ttuan kho deuh dingmi thim phung a si caah, Thantlang le Hakha in MPs aa cuhmi vialte chung in Cozah a tlai khotu ding Party (NLD) in aa pemi Candidates pawl kha thimfung pek an herh lai tinak a si. Zeicatiah, 2020-2025 karlak ahhin Rian a ttuan kho bik Party cu, NLD an si te ko lai. Catialtu. Zasang Cinzah.

Zurit Le Party Rit Hi Ai Lo Hna: ZU van rit ah cun, khuachia a luh caah,kan Fim hring lungthin kha Asi ti lo i, ngamh lo zong ngamh dih Asi cang i, kan Lai Phungthluk ah, ZU van rit Cang ah cun, Michia nih bawi lung An keng, Bawi nih Cakei lung an keng ti Asi le, Michia ve si ko nain, bawi lung ‘va Ken zong cu Ațha lo mu. Bawi zong nih, Seh hmang mi Cakei lung Ken zong cu Ațha ve lo cu mu.

Cu caah tu chun ZU kan rit ah, thil sual kan tuah mi kha Athai zing kan van fim tik ah Ningzah nak kan tong tawn. Cu ve ban tuk in Party rit zong thim hlan ah kan țanh mi party kong ah biachia kha kan chim, kan țanh mi kongah, Party dang kha Ning cang lo in, ka Soisel hna, Asi nain, Thim nak a van dih cun, kan fim țhan te lai.

Cu caah Zurit le Party rit hi ai lo hna. Cu caah, kan rit lio i kan chim rel mi hi tukum, November Ni ( 8 ) khawh cun Party A Ri mi vial te kan fim țhan te hna lai I, Azan ZU kan rit i thil sual kan tuah i, Athai zing kan fim i, kan I chir ban tuk in ai chir mi A um mi kan tam te lai. Sangling Thantlang.

Be the first to comment

Leave a Reply

Your email address will not be published.


*