MAH RUANGAH HIN PEI RUNG LIAN CEU HI A RAK SUNGH KO HI

Catialtu: TB. Tutan Rung Lian Ceu A Sunghnak Aruang Bik Tiah Ka Ruah Mi. Tutan ah Rung Lian Ceu cu Biak Hmun Sang nih Minute pathum tlin hlan ah a tei. Rung Lian Ceu hi zeiruang ah dah fawituk a sungh timi hi ruah lo awk a ttha hrimhrim lo. Cuhlan Rung Lian Ceu aa paih ning cuanh tikah fawite cun a sung kho dingmi asi hrimhrim lo. Zeicaah tiah kan Lai patthawng pawl tampi a teitu hna a si caah fawite sawhsawh cun a sung ding asilo.

Zeiruangah dah tutan ah fawituk a sungh kun timi hi langhter ka duhmi a si. Tuan lio Rung Lian Ceu Arak i paih ah hin training biatak tein a tuah lengmang. Training tuah le tuah lo nih tutan Rung Lian Ceu dirhmun a fianter ngaingai. Aliamcia caan tlawmpal ah Rung Lian Ceu nih fiang tein a rak chimmi kha theipar a hung chuak in ka ruah. Training thatein angeih lonak kong le aa timhmi ah biatak tein caan a peknak, kong arak chim.

May be an image of 12 people, people standing and indoor

Culawng siloin a rak chim tthan rihmi cu minung pakhat caah cun tlawmpal training tuah ahcun a zako a rak timi kha tutan ah a sunghnak asi ko tiah ka hmuh. Zeiruangah ti ahcun Rung Lian Ceu nih a paih pi dingmi Biak Hmun Sang hi pathawng sawhsawh asi lo, Patthawng taktak bak asimi asi. Cupin ah Biak Hmun Sang zong nih aliamcia kum zeimawzat ah kumkhat rak ka hngak ulaw Rung Lian Ceu hi ka tei lai tiah a rak ti cang.

May be an image of 8 people, people standing and indoor

Biak Hmun Sang hi Rung Lian Ceu tei ding hrimhrim in timhtuahnak angeimi asi timi cu aliamcia a rak chimmi bia in theih khawh asi. Rung Lian Ceu nih minung pakhat caah cun ni tlawmpal caan pek azako arak timi a rak i palh deuhnak asi timi alang. Zeiruang ah ti ahcun Rung Lian Ceu hi aa paih lonak caan a sautuk cang. Cu tikah tutan ah hin a hlannak in Training a tuah deuh awk si. Aruang cu aa paih lonak caan a sau pin ah a paih pi dingmi hi patthawng sawhsawh asi lo caah asi.

Biak Hmun Sang nih tutan ah fawite in a teinak a ruang bik cu training thatein tuahnak caan a ngeih lo caah asi ko timi hi a fiangmi a si. Thiamnak siseh pum le rua thaazaang ah a cuai vun thlai hna tikah kan theih cio bangin aa tlukmi an si ko, an i thlau lem lo. Fawi le zaangtuk cun aa tei kho dingmi cu an si lo. Asinain tutan ah fawituk in a sunghnak hi training caan a pek khawh lo caah asi ko tiah ka ruah. Zeitindek nan ruah cio? Credit: TB.

Be the first to comment

Leave a Reply

Your email address will not be published.


*