RUAN KHUAMI JOSHUA VAN BAWI THAWNG NIH TEINAK TAISAWMH ANGAH

Ruan khua mi Joshua Van Bawi Thawng nih FURY Fighting Championship thongh zuamnak ah thawn man taisomh a ngah. Chin Ramkulh Hakha Peng, Ruan khuami USA khuasa Joshua Van Bawi Thawng nih FURY Fighting Championship thongh zuamnak ah 2021 June 27 (Myanmar caan) ah aa thong i thawn man taisomh pakhat a co tiah kan theih.

May be an image of 3 people, people standing and indoor

Hi kong he pehtlai a uu nu nih, Atu aa thongh hi teinak a hmuh tik ah kan i lawn. Miphun hawi tha nan peknak ruang ah a si. Mah hnu ah UFC a luh khawh nakding aa thua rih lai. Thazaang rak kan pe cio hram ko uh,” tiah a chim. Joshua Van Bawi Thawng hi 2019 in biatak tein hi bantuk thongh zuamnak ah aa tel i teinak zong zeimawzat a kan hmuhpiak tu a si. Atu laksawng a comi hi Fury Amateur Series 34 ah champion a si. Credit: The Hakha Times.

May be an image of 4 people, people standing and indoor

Relchih:Tlangrai vs Ralhrang. Laitlang ah atulio Covid in azaw mi hna kha pakhat le pakhat i theihter uh. Tlangrai asi, ningzah ding asi lo. Kha ti i theihter cio kha kan luatnak caah bawmtu asi leh lam. Vanchiat hi arunpi in an tlung tawn i atulio caan te hi Ralhrang le Covid kar ah mipi karceh in kan um lio asi caah kan har cem lio le vansang in kan um lio caan asi caah lung țhawng in um khawh ding kha abiapi tuk.

Kan ton mi cung ah lungsak in pom khawh kan i zuam lai nain kan zumhnak akan hrawktu asi lo ding kha abiapi tuk. Covid maw țih anung deuh ralhrang uknak ti bantuk capo phun zong in țial rih hlah uh, zawtnak tlangrai cu chikhat tilian bang ahung kan phanh mi khi asi i amah tein akan liam tak caan aphan te lai. Kawl ralhrang misual lungput (Evil Mindset) cu Satan ral doh asi caah zapi in lungrual tein doh ahau, hloh ahau i achuah țhan tinak hnga lo zong ven peng ahau mi asi.

Tlangrai cu ahrial in hrial thiam ahau, ahrial zia le akham zia atheimi hruaitu hna nih hitin hrial hna usih an kan tining tein zulh cio ahcun akan lanh tak te ko lai. Tlangrai khamnak sii (Vaccine) zong i chunh in dam khawh asi. Ralhrang lungput cu hlohnak vaccine aum lo, daitein in seh ka hrial hna ti ah le akan uk thai fawn lai caah hrial phun zong an si lo. A doh bak in doh i hloh cicek an hau.

Zawtnak hrik (virus) paoh hi nun caan (life circle) an ngei ve. Vulei mipi tambik le millions in arak kan that tu 1919 ah arak chuak mi “Spanish Flu” zong kha kum 40 chung ahrik hi anung i 1960 lawng in kan vulei hin alo kho. 2008 ah achuak mi Avian Flu zong hi atutiang alo thlu kho rih lo, tlawm tete in alangh țhan nak aum tawn nain chanthar vulei sii lei thiamnak nih tamtuk akham khawh caah asi.

Coronavirus zong hi ahrik cu pakhat asi ko lai nain amui aphunphun (British Variant, India Variant, Vietnam Variant etc.) in kum sau pi anung rih lai. Vaccine phunphun an chuah ve lai i kan him dih te ko lai. Kawl ralhrang lungput cu “keimah i tinak Satan” lungput ai hrolh mi an si caah ngol loin kan tei tiang doh ko hna usih. Atu hmanh ah uknak țhutdanh cung ah țhu kho loin mipi nih an tai in kan hnuh hna i leng ah kan chuah khawh ko rih hna caah Hell khur chung ah kan hei hlonh lawlaw hna ding lawng an taang cang. Kap-hnih har vainam asimi Pathian nih ralhrang he tlangrai he tei piak ding in kan sin ah ka um pi zungzal ko! Credit: Victor Khen Sang

Be the first to comment

Leave a Reply

Your email address will not be published.


*