RIP. TUNAI AH REV. FILIP TLEI THUAN NIH MUAL AA KAN LIAMTAK

Ngeihchiatnak thawng: Apoituk hringhran Pathian rian a ttuan cuahmah mi Pastor Rev. Filip Tlei Thuan cu tuzing ah a rian a ttuanmi Pathian sin ah ai din cang. Rev. Filip Tlei Thuan hi FBA ah Vice President 1 rian a ttuanmi zong a si i, New Sunthla Baptiat Khrihfabu ah Pastor a ttuan cuahmah lio mi a si. Rev. Filip Tlei Thuan cu tuzing suimilam 9:30 hrawngah Falam sizung ah a nunnak liam tiah an langhter. Tantakmi chungkhar Bawipa nih nan ngeihchiatnak in hnem ko hna seh, Nan ngeihchianak kan in hrawmpi hna.

May be an image of 1 person

Thawngpang dang: Kawlram minthang mui dawh Htet Htet Moe Oo cu mipi nih an thah lo lawnglawng bak asi. Online cu si hlah sehlaw an nawn bak hnga. Ralhrang kawlralkap hna nih uknak an lak hnu ah Kawlram minthang mintami Htet Htet Moe Oo cu mipi sin ah a mui aa langh lonak caan hi a sau cang. Mipi zong nih an hlam ngaingai. Caan saupi aa langh lo hnu ah nizan ah khan LIVE in thil a zuar i a vun i langh.

Asinain mipi nih Htet Htet Moe Oo cu an thah deng, chiat tiangin an serh. Hi konghe pehtlaiin amah Htet Htet Moe Oo nih LIVE video aa thlah hlan ah mipi hna sin ah rak ka theithiam te uh tiah a rak ti hna. Sihmanhsehlaw mipi hna nih tulio ram buai lio hna i hibantuk thil hna online in zuar cu tiah a mui langh ding an duh lo caah LIVE chungah faktuk in an phomh.

Thil a zuarmi cu hohmanh nih an lungah a lut lo i, thlerh khawhnnak bia lawngte in an thuat. An thuat tuk caah LIVE a thlahmi zong caan karlak angol i, a video zong a delete tthan. Ahnu caan rauh hlan ah LIVE a thlah tthan i, cu zongah mipi nih pehzulh in an tthuat tthan. Nain a LIVE thlahmi tu cu ngol ti loin a pehzulh thiamthiam.

Hi konghe pehtlaiin Htet Htet Moe Oo nih a timi cu ka damlo ruangah sizung kalnak ah tangka ka herh. Cu ruangah LIVE in thil ka zuarnak hi a si tiah a chim. Thil ka zuar lio zongah saupi ka tthu kho lo tiah ati i, a ihpah hna in thil a ka zuar. Hi kongah minung tampi an ruahnak aidang tthenkhat nih an zaangfah lio ah tthenkhat nih cun an zaangfah lo.

Be the first to comment

Leave a Reply

Your email address will not be published.


*