RIP. SALAI MANG KAN IN SIANG LO EE, NA LIAM A TUANTUK EE

CDF-Mindat pasaltha a simi Salai Mang nih Chin ramkulh le Chin Miphun zalennak caah tiin dothlennak hmun ah a nunnak a pek than e tiah kan theih. Tutan ralhrang dohnak ah CDF pasaltha a nunnak a liam mi an tlawm ti lio. Atu a nunnak a liam mi zong hi CDF-Mindat ah hruaitu dirhmun ah a um liomi, bochan taktak mi a si.

A mah unau pakhat nih a lungfahnak a taanglei bantuk hin a langhter. “Nangmah cu kau, kanau le ka hawikam tha bantuk in kan zoh mi, ka rianttuan hawithabik pakhat dirhmun zong in a um mi na si. Hmailei Chin ram le Chin miphun caah mifim thiam, bochan mi Arfi ceu na si lai tiah kan i zohthla tuk mi na si.

MUSU na hruaimi phu (Myanmar University Student hruainak phu) chungtel dihlak cu nan kan liam tak ruangmang ai ne mu. Kan tlonlen nak, kan cawlcangh nak vialte cu na hnu in kan rak zulh tthan hoi lai mu. Na inn ah meting tuah, rawl ei i hrawmnak zong kan tuah kho ti lai lo e. Nangmah na um ti lo hnu ah zeitin dah MUSU zong kan cawlcangh ti lai.

Kan i siang hrim lo. Na kal a tuan tuk e, Arficeu na liam ai mu. Tuzaan na zunkung tuar in zaankhua kan dei lai e” tiah a langhter hi asi. Salai Mang hi mifim cathiam, University Student cawlcanghnak zong ah lutlai bochan mi, CDF-Mindat cawlcanghnak zong ah bochan mi, upat mi le hruaitu pakhat a si ve tiah kan theih.

No description available.

Thawngpang dang: Tamu TSG le SAC Ralhrang Kahdohnak ah Ralhrang 9 an Thi.Nizaan July 24, zaanlei sml. 4:15 ah Tamu mipi ralkap (Tamu Security Group-TSG) le SAC ralhrang karlak kahdohnak a chuak i SAC ralhrang minung 9 an thi, tiah TSG nih thawngpang an chuah.SAC ralhrang tthiangtthunh Pyosawhti chungtel pawl nih TSG an umnak hmun lei ah SAC ralhrang pawl an kalpi hna i kahdohnak a chuah hi a si.

SAC ralhrang hnuzul Pyosawhti pawl nih TSG kan umnak ah SAC ralhrang pawl an ratpi hna. Runvennak a tuahtu TSG ralkap he an i tong hna i, kahdohnak a chuak.Kahdohnak ah SAC ralhrang lei in minung 3 an thi i hliamhma a pumi an tampi.Hliam a pumi chung in Pyosawhti chungtel pakhat, Manipur Kathe Tapung pakhat le SAC ralhrang 4 an thih chap caah an zapi minung 9 an thi,” tiah TSG nih nihin (July 25) thawngthanhnak ah an langhter. Credit:The Chin Journal

Relchih thawngpang, RIP. Chin pasaltha Mindat CDF lei in minung pathum nih ram le miphun caah mual aa kan liamtaak tthan. Chin ramkulh Mindat peng chungah ralhrang kawlralkap le Mindat CDF hna cu July ni 20 thok in biatak tein an i kap tthan i, Nizan tiang kahdohnak an tuah. Tutan kahdohnak ah Mindat CDF pasaltha pathum nih ram le miphun caah nunnak an pek tthan.

July ni 22 kahdohnak ah Mindat CDF chungin Salai Hone Om nih ram le miphun caah mual arak kan liamtak i, July ni 23 kahdohnak ah Pu Chai Thang nih ram le miphun caah a nunnak apek tthan. Nizan a hnu bik an i kahdohnak ah Mindat CDF lei in pasalttha pakhat nih ram le miphun caah a nunnak apek tthan. Tutan kahdohnak ah CDF pasaltha pathum an nunnak aliam.

Tutan i kahdohnak kongah Media tthenkhat nih an langhterning ahcun ralhrang kawlralkap hi minung 20 renglo hna cu CDF lei nih an kahthah hna tiah an chim. Asinain hi konghe pehtlaiin ralhrang kawlralkap pawl a nunnak a liammi siseh, hliam a tuarmi kong siseh pakhat hmanh Mindat CDF lei nih an thanhmi a um rih lo. Ralkap lei hi a thimi cu an tam tuk tiah theih asi.

Ralhrang hna nih uknak an lak hnu ah Mindat CDF le ralhrang kawlralkap i kahdohnak ah hin Mindat CDF lei in ram le miphun caah nunnak ape cang mi hi minung 27 an si. Tuan deuh an rak i kahnak ah Mindat CDF lei nih ralhrang kawlralkap hi minung 200 renglo an rak thah cang hna ti asi. Tutan ah a thimi zat tu hi theih asi rih lo.

Be the first to comment

Leave a Reply

Your email address will not be published.


*