RIP. RALKAP RUANGAH CNA RALKAP PAKHAT A NUNNAK LIAM

Apoi taktak si. Kawlralkap ruang bak ah a si ko. Kawlralkap nih Hakha Sii inn in hramhram in an chuah ter ruang ah CNA ralkap Aung Lin Tun kum 26 a nunnak a Liam. Aung Lin Tun cu a paw lei dam lo ruang ah Hakha Sii inn ah thlop a si i March 12 ah Ralkap nih Sii inn um mi an chuahter hna i nihin zinglei ah a tu bantuk in a nunnak a Liam hi a si.

May be an image of indoor

CNA Ralkap Zawtnak in a Nunnak a Liam. Nizan ralkap nih sizung in an tthawl hna lio ah sizung mizaw lak ah aa tel vemi CNA ralkap Aung Lin Tun (26) cu nihin zinglei sml. 5:30 hrawng ah a nunnak a liam. Aung Lin Tun hi Paletwa khuami a si i, CNA sen 2 a si. Pawpi lei zawtfahnak in a nunnak a liam hi a si i, Hakha CCPR zung ah a ruak an suan.
May be an image of child

Nizan Thil Sining: March 12 ah Hakha Sii-innpi cu ralkap le palek nih an luh hnawh hna i an thawl hna ca ah sii-inn ah thlop lio mi mizaw zual 30 le sii-inn riantuantu 315 nih sii-inn an chuah taak tiah kan theih. Ralkap Council nih CDM a tuah mi Hakha Sii-inn riantuantu hna cu rian ah maw nan luh lai CDM dah nan tuah rih lai? CDM nan tuah ahcun quarter in chuak uh tiah an thawl hna. Ralkap 20 hrawng le palek 30 fai nih an luh hnawh hna i atu bantuk in an thawl hna hi a si.

No photo description available.

Hi kong he pehtlai in Hakha Sii-inn Uk Dr. Mang Biak Kung nih, “Tuchun (12.3.2021) ni ah Hakha sii-inn cu mi thalo hna nih an kan luh hnawh. Sii-inn ah thlopbul cuahmah mi mizaw zualhma 30 le sii-inn riantuantu 315, inndawng 115 nih kan chuah taak. A kan fimtawltu Hakha mino le mizapi cung ah lunglawmhnak tampi kan ngei,” ti in a Facebook cahmai ah a tial.

Sii-inn quarter in aa thial mi riantuantu hna cu Hakha sang kip mino nih thil thiar an bawmh hna. Cun, motor ngei hna zong nih manlo in an phorhpiak hna. Hakha sii-inn cu ralkap sii-inn a si lo, mizapi sii-inn a si ca ah a rauh hlan ah mizapi kut chung ah chiah than khawh kan i zuam hna lai, ti zong Dr. Mang Biak Kung nih a tialchih.Sii-inn a luh hnawhtu ralkap le palek cu zaanlei suimilaam 6:00 hrawng ah an kir nain sii-inn ah ralkap tlawmpal cu an taang rih.

Zei maw zat ralkap le palek an kir cangka in sii-inn kutka cu mino nih tawh an hrenh tiah kan theih. Hakha Sii-inn lawng siloin Chin Ramkulh chung ah Falam le Tedim sii-inn zong atu bantuk in palek le ralkap nih luh hnawh in an thialter hna tiah kan theih. Credit: The Hakha post & Democratic Voice of Chin-DVC, TCJ

Be the first to comment

Leave a Reply

Your email address will not be published.


*