RIP. RALHRANG NIH SUALNAK NGEILO MINO TE AN KAH THAH

Ralhrang Kawl ralkap sniper kahnak in a nunnak aliam. Zei sualnak pakhat hmanh a ngeilomi kum 19 te lawng a si rih mi mino te cu ralhrang ralkap nih Siniper in an kah ruang caah a nunnak a liam tiah theih asi.Mobye palik sakhan ah a ummi Ralhrang Kawl ralkap hna nih lam a kalmi hna cu hramhram loin sniper in an kah hna i kum 19 lawng a si rihmi mino Maung De Ko cu a lu ah an kah i a hmun ah a nunnak a liam colh.

May be a close-up of child

Hi konghe pehtlaiin naite ah Mobye palik sakhan cu PDF nih an rak luh hnawh i an rak kah hna. A hnu ah Ralhrang Kawl ralkap pawl nih umhmun khuar nak ah an hman than. Nizan June 2,2021 ah khan palik sakhan i ralhrang kawl ralkap nih mipi cu sniper in an bawh hna i an kah hna. A dang pahnih zong hliam an tuar. Sualnak zeihmanh a tuah lomi lam ah ai chok let mi sawhsawh kha mah bantuk in an kah hna.

May be an image of one or more people and outdoors

Thawngpang Ttha (Good News) : Min Aung Hlaing ralkap ramri hngak BGF minung 50 DKBA ah an lut. Hi konghe pehtlaiin DKBA hruaitu lutlai a simi Saw Kyaw Thet nih a chimmi cu, May ni 31 in kahdohnak kan thok i June nihnih tiang zong a dai rih lo. Kan dohnak kan tuahnak a ruang cu kanmah nawlpeknak tello in ralhrang kawlralkap kan ramchung ah an rak luh ruang ah a si.

Ralhrang kawlralkap hna nih hriamnam nganngan in aa kan doh. Kanmah zong nih kan ngeihmi hriamnam in kan doh peng ko hna lai. Kanmah lawng kan si lo. PDF le BGF arak lutmi siseh KNU PC le KNDO pawl hna zong kanmah lei ah an ttang. Ralhrang kawlralkap kuttang ah rian attuanmi ramri hngak BGF lak zongah ralhrang sin rianttuan ahuam lomi kan sin ah aphanmi hi minung 50 renglo an um cang.

Kan sin ah a rak zaammi BGF hna cu hriamnam keng lawngte an si, kahdohnak kan tuah hlan ni hra ah an rak phan cang. Atu ah buu 5 komh in ralhrang kawlralkap kan doh. kan i hmuitinhmi aa khat dihmi kan si caah buainak pakhat hmanh kan ngei lo. Kan lung aa rualtuk. Karen ramkulh hmunkip ah cawlcanghnak kan tuah i karen ramkulh chungah cun um lonak kan ngei lo.

Ralhrang kawlralkap nih nawlngeihnak an lakmi an chuahtaak hlan chung paoh cu kan doh peng ko hna lai. Mipi sin ah nawlngeihnak an pek hnu lawngah kahdohnak cu kan ngol lai. Cu hlan chung cu ralhrang kawlralkap kan doh peng ko hna lai. Nawlngeihnak an lak ruangah atu dirhmun cu cozah ngeilo kan si. Ralhrang kawlralkap nih vanlong an hman zongah a poilo.

Ahlan zongah an hman lengmang mi a si ko. Curuangah raldohnak adong hlei lo i, raldohnak alinsa deuhdeuh ko lai. Atu ah ralhrang kawlralkap nih Karen ramkulh chungah thilpipa tuah an timh, mipi nih an duh lo bantukin kanmah hriamtlai zong nih kan duh ve lo. Curuangah an i timhtuahmi pehzulh an timh ko asi ahcun kan kham hna lai i, tukdohnak fakpiin a chuak lai tiah a chim.

Be the first to comment

Leave a Reply

Your email address will not be published.


*