RIP. MALAYSIA AH LAIMI THIHNAK FAK KAN TONG

Malaysia ah Laipa Zan aa Ihnak in tho kho ti loin a nunnak a liam. Malaysia ah Laipa Ai Nwai Si Aung Kum 27 cu Nizan October 23 zing ah a ihnak in tho kho ti loin a nunnak a liam, Ai Nwai Di Aung cu Chin Ramkulh Paletwa Peng Kyentthinwah khuami a si tiah kan theih.

Ai Nwai Di Aung hi Khan pakhat ah a it mi a si, Paangka zong a on ko nain, zinglei riantuan Kal a za cang I a tho ti a ihnak Khan ah ka va zoh cu a nunnak a Rak liam cang,” tiah a hawipa Ai Nang nih Khumi thawnglatu hna sin ah a chim. Ai Nwai Di Aung cu Malay UKM sizung ah kalpi in zohfelnak an ngeih hnu ah ruakvuinak le a dang tuah herhmi thawngthanh si te lai.

Palik zung report peknak, ruakvuinak le sizung kalpinak vialte cu Palatwah Khumi community ( PKC) nih țuanvo laa in an tawlrel cuahmah lio si. June thla in October 23 kar thla 5 chung ah Khumi miphun hi a thimi 6 an si cang. Covid-19 ruang ah silo in damlo ruang le hi bantuk ihnak in thawh tiloni nunnak a liam beh mi hi an si, tiah Ai Lwin Lwin nih Khumi thawnglatu hna sin ah a chim.

Malaysia a phan mi chungkhat unau zapi sin ah Malaysia cozah nih a chuahmi covid-19 phung vialte cu țha tein zulh ding, um kal țhut to zong i ralrin ding tete zong PKC țuanvo neitu hna nih an chim chih. Kalaymyo, Akongthi, Teirial. Credit: Salai & Mai

Be the first to comment

Leave a Reply

Your email address will not be published.


*