REV. UK LING THANG THLACAMNAK IN BAWM CIO HNA USIH

Rev. Uk Ling Thang hi, Yangon ah a si khawh chung in mi a bawmchan taktak tu asi.Ram buai ruang i harnak a tongmi hna le Oxygen a herhmi hna a si khawh chung in a bawmmi a si.Tutan ah amah lila infected a si i, a zual ngai tiin an nu le saya Rube nih thawng an van ka thanh cu ka lungre a thei manh ngai. Zeicahtiah frontline kal ngam in rian aa zuammi a si ruangah pakhat khat a si sual lai ka phang.

May be an image of 2 people and body of water

Nizaan hrawng a van cei tuk ti le oxygen a tla tuk ti thawng ka theih in atulio kan Laimi nih kan i bochan tuk mi kan arfi Susan Za (Dr zaza) bawmh ka hal colh. Dr. ZaZa nih frontline minung a si ruangah, a biapi tuk tiin a rian vialte kaltak in a rannak in a kan kalpiak i kan i lawm taktak. Rev. Uk Lian Thang thlacam bawm cio hna u sih. Credit: Thawng Tha Thang

May be an image of 1 person

Thawngpang dang: August 2, Thantlang ah COVID-19 in damnak hmu mi 109 an si cang. Thantlang khua ah COVID-19 in zawtnak hmuh mi minung 180 chung ah minung 109 an dam cang tiah TC-19 ERC Secretary Pu Ram Khar sin in theih a si.August 2 ah checknak tuah than a si. Minung 66 an check hna i 7 sin ah zawtnak hmuh a si. Cun, damnak hmu in minung 19 an um i a dam mi dihlak 109 an si cang tiah kan theih.

Tuni Thantlang COVID-19 Thawngpang (Updates). A voi(19) nak 2. 8. 2021 ni ah Mithar Minunung 66 chek an si i minung 7 sin in zawt nak a thar in hmuhthan a si. Zawtnak rak hmuhcia mi minung 19 cu a voi 2 check an si i, an dihlak 19 ning in damnak an hmu. Thantlang khua chung ah 2. 8. 2021 ni tiang ah COVID-19 zawtnak Check mi dihlak 911 an si cang. Thantlang ah Covid-19 zawtnak hmuh mi ,minung 180 an si cang . Minung 7 nih an kan liamtak. COVID-19 lunghrinh in a thi mi 1 a si. Khuate ah COVID-19 in minung 1 a thi ve .Zawtnak hmuhcia mi 180 chung ah a dam mi minung an dihlak 109 an si cang. Credit: The Hakha Times

Be the first to comment

Leave a Reply

Your email address will not be published.


*