CHINMI NIH KAN I BOCHANTUK MI REV.DR ZA HLUN THANG CAAH THLACAM SAWMNAK

Rev. Peter Zh Thang ca Thlacam Sawmnak. Chinmi nih kan i bochan tuk mi Rev. Dr. Za Hlun Thang cu ruah lo taktak in covid in a zaw. A tuarning zong a fak ngaingai i Oxygen bawmhchanh a hau. Nizan ah LCB kan GS saya Peng Hu he Dr. Susan Za bawmh kan hal i, a kan zohpiak khawh caah kan i lawm tuk. Kan caah a biapi tuk mi hruaitu pakhat a si bantukin a sining fiangte thei kho dingin tuzing ah ka va zoh. Nizan le tihni nakcun kan van ṭhangcho deuh.

Rev. Dr. Peter Za Hlun Thang hi Lai chiat-that Bu Yangon ah vice-chairman le Chin sescue team ah president ṭuan in miphun nih harnak kan ton chung vialte a si khawh chungin chanhchuahnak rian a kan ṭuanpiaktu a si. Chinland Foundation zongah covid ral kan tei khawh naklai a hmasa bik mission ah ambulance tiangin a kan hlut.

A motor pekmi nih bawmh a herhmi mi tampi a bawmh cang hna.Kan miphun nunnak tamtuk a kan lakpiaktu covid ral hi nichiar tein rian biapi cem ah chia in a dohtu le nu le pa ngei lo ngakṭah tampi a zohkhentu le Pathian le miphun a daw tuk tu a si bantukin, Pathian nih tei khawhnak a pek naklai thlacam kan in sawm hna. Credit: Saya Thawng Tha Thang

May be an image of one or more people, people standing and outdoors

Thawngpang dang: KNU hmumhma chung pengkomh 4 ah July thlachung ah KNLA le ralhrang kar ah i kahnak a chuak i ralhrang lei in 250 hrawng an thi tiah KNU lei nih August 8 ah thawng an thanh.July thlachung ah KNU hmunhma asi mi Tanthu pengkomh,Brigade 1,Tawngngu pengkomh Brigade 2,Nginlepin pengkomh Brigade 3 le Mutawh pengkomh Brigade 5 ah KNU kuttang a si mi KNLA ralkap le ralhrang ramri hngak kar ah i kahnak voi 180 a chuak.

Ralhrang ral lei cawlcanghnak an tuah caah i kahnak chikhat tete a chuak i,ralhrang le ramri hngak ralkap i bawm in a thimi 250 hrawng an si i,1 an zaam tiah an thanh.Ralhrang lei nih hriamngan in mipi umnak 60 hrawng an kah hlei in inn 5 an duah tiah KNU lei nih an chim.Ralhrang lei nih an hmanh mi bomb le hriamngan ruangah mipi 6 hliam an tuar i sing 100 man mipi sui ngun thilri an fir piak hna.Mutawh pengkomh Brigade 5 zongah ralhrang nih vanlawng in an ra kah hna,mipi an thinphang le thlalau in an um,Ngianpinley pengkomh le Mutawh pengkomh chung in a zaam mi a thong leng an si tiah theih a si.

Be the first to comment

Leave a Reply

Your email address will not be published.


*