RANGON THILCANG CU RALTUKNAK HMUN KO ALO KO CANG

Zahan Rangon thilcang cu raltuknak hmun ko alo. Nizan Sunday Rangon thilcang cu khuaruahhar lei asi ko. Sang kip ah ralkap hna nih meithal biatak tein an puah caah thinphang ngai in mipi an um hna. Hi konghe pehtlaiin minung pakhat VOA thawngzamhnak ah a chimmi cu Rangon khuapi cu raltuknak hmun bak a si ko tiah a chim. Kawlralkap le Palek hna Sizung le Sianginn tampi ah umhmun an khuar hna.

Sizung zong ah ralkap duhlonak langhter in lamzawhnak atuahmi hna cu meithal in an kah hna. Culawng siloin ramchung hmunkip kaakip ah ralkap duhlo in lamzawhnak pehzulh an tuah rih. Hi chungah nizan Rangon khuachung hmun tampi ah meithal biatak tein an puah ti asi. Cun Chih Min Dain Towship sizung pakhat ah ralkap hna cu an lut i, um hmun an khuar. Cucu mipi nih an duhlo caah an doh.

Zan suimilam pakua le cheu hrawngah mipi hna cu meithal an puah hnawh hna i, an tthawl hna tiah video an langhtermi chungin theih asi tiah VOA nih alanghter tthan. Hi konghe pehtlaiin sang minung hna nih an chimmi cu palek hna hi an tam taktak i, duhlonak alanghter or adohdalmi hna cu lampi tiangin an dawi hna i, meithal in an kah hna tiah a chim.

Cun Weibargie sizung zongah ralkap hna cu umhmun khuar an i tim. Cucu sang mi hna nih an duh lo caah an dohkham hna. Cu hna zong cu ralkap le palek nih meikhu bomb siseh meithal he an kah cheh hna tiah North Okkala Township ah a ummi Ko Aung Myo nih VOA thawngzamhnak ah a chim tthan. Hohmanh nih hnahnawhnak an pek ti hna lo hnu tiangah meithal voi 7 an puah rih tiah a chim.

Culawng siloin Tamwei Township, Kyauk Miaung le Thingan Gyun, Cun South Okakala, Daw Pung siseh Ayan Kone le Hlain, Yan Kin, Bahan, Shwei Pyitha towship telh in Yangon khuapi hmun tampi ah meithal kahnak thawngpang aleng dih tiah Lan Mahdaw ah a ummi minung pakhat nih a chim rih. Soud Bomb thawng hi a voikhatnak ah kan theih hmasa.

Thawngpang kan theih bak in mei kan off dih, Duty hna zong an um i, an mah zong a muihnak in an ngiatthlai hna i, kanmah hi Lam pathumnak ah a ummi kan si i, Lam hleikhatnak a ummi hna nih aa kan chimh mi meithal taktak in aa kan kah i, minung pakhat zong akhel ah an khenh tiah a chim. Nizan kahnak ah hin minung zeizat dah hliam an tuar timi theih asi lo.

Tulio Rangon dirhmun cu suimilam pakua aphak bak cun raltuknak hmun ko khi a lo ko. Lam kip ti awk ah sound bomb le meithal apuak ngaingai. Mei hi kan off lengmang ko. Cuticun thawngpang kan ngai hna tiah an chim. Cubantuk in thil an tuahmi hi mipi nih kan ttih hna seh timi an duh caah asi ko lai tiah an chim. Naihrawng ah palek le ralkap nih minung tam ngai an tleih hna. Culawng siloin hmunkip ti awk ah ralkap umhmun an khuar cang, Rangon Civil Sizung zong ah palek 16 bak an um tiah sibawi pakhat nih a chim.

Be the first to comment

Leave a Reply

Your email address will not be published.


*