RAMCHUNG A UMMI VIALTE RUNVENNAK I TUAH CIO UH TIAH THANHNAK AN TUAH

Kawlram cu CIVIL WAR chuah dawh asi ruangmang ko cang. Kawlram mipi nih thimtlin mi, ai awh in Committee Representing Pyidaungsu Hluttaw (CRPH) nih Kawlram mipi dihlak sin ah thawngthanhnak, theihternak le Order puitling taktak a chuah ko cang. Hi thawngthanhnak hi Kawlram mipi dihlak nih an hngah peng mi, an i ngaih taktak mi zong a si fawn.

Nihin thawngthanhnak ah “Ralkap cu Rampi rungvengtu an si lo, Ralhrang an si tiah kan rak thanh cang. Cu caah Myanmar mipi Cozah minung an si ti lo. Ralhrang kut in nan him khawhnak ding ah siseh, Ralhrang kut in Ram mipi kan him khawhnak ding ah siseh, Ram mipi dihlak nih i runven khawhnak nawl nan ngei cang.

Nihin thawk in Kawlram mipi dihlak nih kut zo khawhnak nawl nan ngei ve cang” tiah thawngthanhnak an tuah hi asi. CRPH nih a tu bantuk in thawngthanhnak a tuah cang caah, Ram mipi dihlak nih Police le Ralkap cung ah an kut an thlak khawh ve cang. Ram mipi le ralkap i dohnak caan cu official in an phuan bantuk a si cang caah nihin thok in Ram chung ah Civil War puitling aa thok cang ti khawh asi.

Hramhram in Ram mipi uknak a chut tu Ralkap cu Ralhrang phu an si tiah CRPH nih official in thawngthanhnak a tuah cang mi nan theih cio, cu caah kawl ralkap si ti loin Ralhrang an si cang. Minung pakhat nunnak venhimnak, Khua le ram venhimnak rian ah siseh, zalong tein ram mipi nih i runvennak nawl nan ngei cang. Ralhrang kut in i rungven cang uh timi hi an thawngthanhnak bik cu asi.

No photo description available.

Relchih: Thawng pakhat ka theihmi te le kaa nawmh lo ngaimi te. Lailei tangka kuat a har tuk caah micheu tangka kuatnak cu a kuat man ting khat ah Rm 10 an lak tawnmi kha Rm 20 ah an kai. Cun micheu cu tangka thlen ret Rm 330 a simi hna kha Rm 300 lawng hna in an lak. Mah te hi ka ruah tikah Pathian theimi kan si hna bantukin kan ruahnak te hi thlen deuh ah a tha rua tiah ka ruah ee.

Hi bantuk har kan ton lio caan tu ahhin kanmah ca lawng ruat lo tein i bawnhchanh cio bantukah ruah in kuat man hmanh kha kan si khawh tawk in tum ding si tiah ka ruah.Micheuh nih ka sin tangka kuat an itim i kuat a ngah lo, lawlawse cu Lailei tangka a dih ruangah a si ka ti hna tikah mah kong hi bia le lam ah a ka chimmi tete an um pah hna tikah lung a ttha lo ngai in ka hmu. Har ton lio cio caan ah hincun dawtnak lungthin te hi kan si khawh tawk cio in ngei kho hna usih law a tha tuk hna ka ti.Credit:Honey Thil Zuarnak

Be the first to comment

Leave a Reply

Your email address will not be published.


*