RAM MIPI VIALTE KUT BENG HNA USIH, THAWNGPANG TTHA TAKTAK ACHUAK

Thawngpang ttha taktak si cang, lawmh aphu taktak ko cang hih. Ralhrang KawlRalkap pawl nih an mah nawlngeihnak a hmunh khawhnak ding caah tiah an suai mi 2008 Kawlram phunghram (Constitution) pi cu nihin thok in hrawh dih a si cang tiah CRPH nih official in thawngthanhnak an tuah taktak ko cang.

Kum 2008 Phunghrampi kan hrawh ti lawng hmanh si loin an hrawhnak a ruang zong fiang taktak in an langhter chih. Cu an langhter mi ahcun Pakhatnak. Union of Burma ah a um mi, Tlangcung miphun hna le Miphun dihlak nih kan duhbik mi Tluk ruannak, I khat dihnak, Zalonnak, Mah tein khuakhan Lairelnak vialte a um khawhnak ding caah dawn tu a simi 2008 phunghram cu hrawh a si cang.

Pahnihnak. Kum 2008 phunghram cu Ralkap nih an mah duh ning tein an suai mi, an chuah pi mi asi. Hi phunghram hi Federal Democracy a chuah khawhnak ding ah dawn tu zong a si caah kan hrawh ti asi. Pathumnak. February 1, 2021 ah Ralkap Council nih an mah suai mi 2008 phunghram pi cu an buar riangmang i rampi nawlngeihnak hramhram in lak an i timh,

Cu caah an mah lila nih an suai mi phunghram an buar ni bak khan hi phunghram cu rinh awktlak a si ti lonak zong fiang tein a lang cang i an mah lila nih an hrawh cang timi zong a langhnak asi.Tutan ah thil point (4) in an langhter i a donghnak bik Number(5) ah fiang tein an telh rih mi cu Nihin March 31, 2021 thok in 2008 phunghram pi cu a dihlak in hrawh le hlonh a si cang” tiah fiang ko in an langhter.

Note: Mipi dihlak nih theih ding, Thaizing ah 2008 phunghram Cauk kha Mei in rak khaang dih uhlaw nan khangh lio hmanthlak le video rak tar cio cang uh.