RAM MIPI CAAH MIN AUNG HLAING NIH THANHNAK A TUAH CANG

Ralhrang Kawlralkap lutlai Min Aung Hlaing nih thanhnak atuah tthan cang. Tulio zawtnak konghe pehtlaiin ralhrang kawlralkap lutlai Min Aung Hlaing nih thanhnak a tuahmi cu Covid zawtnak ruangah kawlram mipi harsatnak tuarmi chanhchuah dingin Covid kham nak sii a phan cang. Cun Oxygen zong ramdang in a rak lut cuahmah tiah a chim pin ah Arti kongah buai hlah uh ati rih.

Arti kongah aman akai lai tiah a timi tampi an um. Sihmanhsehlaw thinphan ding Arti kongah a um lo tiah a chim. Zeicaah tiah aliamcia kum ruk kum sarih in khan biatak tein Ar kan zuatter cang hna i, Arti kongah cun thinphan ding pakhat hmanh a um lo. Atu ah hin kawlram minung 1.6million tluk nih covid khamnak sii an i chun cang i, pehzulh dingin timhtuahnak kan ngei tiah a chim rih.

Aralai dingmi tuthla ni 22 ah Covid khamnak sii Tuluk ah kan cahmi ting sarih renglo a rak phan lai i, July ni 23 le 24 zongah pehzulh in covid khamnak sii a phan rih lai. Rampi minung 50% cu tukum chungah covid khamnak sii an i chun khawh dingin kan i zuam. Oxygen zong ramchung ah biatak tein kan tawlrel cuahmah i Thailand le Tuluk zongin a rak lut cuahmah tiah a chim.

Hi konghe pehtlaiin ralhrang kawlralkap hna nih thawngthanhnak an rak tuah cang. Covid khamnak sii Tuluk ah an cawk mi hi minung caah ttih a nung ngaingai mi sii a si i, Tuluk sermi covid khamnak sii hi vawlei pi nih a cohlang lo lawng siloin Tuluk sermi sii chunh ruangah minung tampi an nunnak a liam cang tiah an rak langhter. Tutan ah Min Aung Hlaing nih a chimmi hi zumh awk a tlak hnga maw tiah minung tampi nih an lunghrinh.

Myanmar funeral services overwhelmed as Covid-19 toll mounts - Times of  India

Thawngpang dang: Ram Le Miphun Caah Nunnak Liammi Minung 24 Upat Nak An Tuah April 24 ni ah “We Support NUG” tiah catar in duhlonak langhter mi hna cu tlaih in, sualnak ngeilo mipi hna cu an kah hna ruang ah rallokap le CDF-MINDAT kar ah kahdohnak a chuak.Cu ni thok in June 8 (ni -45) tiang ah CDF-MINDAT le rallokap kar ah kahdohnak voi-20 leng a chuak. Cu kahdohnak chung ah CDF-MINDAT nih ralhrang rallokap motor 6 cu mei in an khangh khawh.

Rallokap minung 200 hrawng an thah khawh hna.CDF-Mindat nih hramhram nawlngeihnak lak mi hrawh ding, federal democracy ,ram le miphun caah nunnak pe mi hna CDF-MINDAT Martyr in nunnak liam mi hna cu upat pek nak caah Mindat khua မင္းတပ္ၿမိဳ့နယ္ျပည္သူ႔အုပ္ခ်ဳပ္ေရး thawngthanh tu hna nih nihin July 19 ah an Facebook ah an langhter. Ram le miphun caah nunnak pemi hna cu a tanglei bantuk an si, Pakhatnak.Salai Thang Hung Thang(May 13), Pahnihnak.Salai Man Ki Thang (May 13).

Pathumnak .Salai Uam Thang Hunh (May 14), Palinak .Salai Thang Pat(May 14), Panganak.Salai Khu Shing Ning May 14, Paruknak .Salai Hang Shing May 13, Pasarihnak. Salai Ki Tan may 13, Pariatnak. Salai Ki Shing May 17, Pakuanak. Salai Ling Ki, Pahranak. Salai Ling Shwe. Hleikhatnak .Salai Thang Naing May 21, Hleihnihnak. Salai Tam Ling (May 26), Hleithumnak. Salai David (May 26), Hleilinak. Salai Thang Ling (May 30), Hleinganak. Salai She Ling@Shawng Lin (June 4), Hleiruknak. Salai Shing Aung Thang(June 4), Hleisarihnak. Salai Thang Ling(June 4), Hleiriatnak. Salai Ngai Shing Man(June 6), Hleikuanak. Salai Thang Man (June 6), Pakulnak. Salai Ha Phe (June 6), Kullekhatnak. Salai Ling Naing (June 7). Kullehnihnak. Salai Zaw Uam (June 7), Kullethumnak. Salai Ling Ha (June 6), Kullelinak.Salai Maung Ki(June 4) hna an si. Credit: TCP

Be the first to comment

Leave a Reply

Your email address will not be published.


*