RALHRANG NIH AN KAWLNING HNA A FAK CHINCHIN CANG

Chinram Mindat ah ralhrang kawlralkap hna nih biatak tein an mah chung lila a zaami minung pahra leng an kawl cang hna. Inn kip an luh hnawh hna i check hlatnak zong an tuah hna. Mindat ah a ummi ralhrang kawlralkap minung pahra renglo hna cu an uniform le an hriamnam he a liamcia ni 26 August ah khan ralkap rian chuahtaak in an zaam hna tiah an langhter.

Ralkap in a zammi minung pahra renglo hna cu a tuhi biatak tein ralhrang kawlralkap hna nih Mindat khuachung siseh khuate kip ah an kawl cang hna. Khuachung ah mincazin an check hna. Cun khuami hna cu chungkhar minung zeizat dah nan si. Cozah rian a ttuanmi nan um maw tibantuk tiangin ralhrang kawlralkap hna nih an hal hna.

Khuami hna cu ralhrang kawlralkap hna nih mizeihmanh khual nan tlunter hna lai lo tiah theihternak an tuah rih hna. Atu bantuk in ralhrang kawlralkap hna nih khuapi he khuate he inn kip ti awk in check hlatnak an tuah ruangah khuami hna cu thinphang in an um tiah khuami pakhat nih a chim. Tutan ah azammi ralkap pawl hi tutiang rih ahcun CDF sin zongah an i fonh timi theih asi rih lo. Cun khoika dah an um timi zong theih an si rih lo tiah Mindat mipi uktu nih a chim.

Mindat ah Kawl Ralhrang Pawl Ruakvuinak an Tuah Caah Kahdohnak an ngol  chung - Daily Hot News

Thawngpang dang: Chinram kulh Matupi khua tthenkhat lungrethei in ralhrang kawlralkap hna nih an tuah cang hna. Matupi peng khua tthenkhat le hmun dangdang ah ralhrang kawlralkap hna nih umhmun an khuar ruangah khua caah siseh mipi caah a him ti lo tiah khuachung mi pakhat sin in theih a si. Tulio ah Matupi dirhmun cu a harsa hringhran ko.

Khua tthenkhat ah ralhrang kawlralkap hna cu um hmun an khuar ruangah khuami hna cu facang cawknak lam zongah harsatnak a um cang tiah khuami nih a chim chih. Kan hnu lei deuh ah ralhrang kawlralkap hna nih CDF Matupi pakhat an tlaih hnu ah ralhrang kawlralkap hna cu khuachung ah biatak tein cawlcanghnak an tuah i, a mikip an check hna. Hi konghe pehtlaiin Ralkap lei hi an tamtuk paletwa lam meng 9 a hlatnak lei ah an kal i, CDF umnak pawl an kawl tiah an chim.

Be the first to comment

Leave a Reply

Your email address will not be published.


*