RALHRANG KAWLRALKAP BAWI A NUNNAK LIAM CANG

Ralhrang kawlralkap bawi a nunnak aliam cang. Bago (ပဲခူး) ah ralhrang kawlralkap le palek an mah le anmah an i kahnak a chuah hnu ah ralhrang kawlralkap bawi cu Motor accident in a nunnak aliam tiah thanhnak an tuah. Thil sining cu Nizan April ni 29 zan suimilam hleikhat hrawngah ralhrang kawlralkap le palek hna cu anmah le anmah an i kap.

May be an image of outdoors

Cu an i kahnak ahcun ralhrang kawlralkap bawi pakhat a cuannak motor cu aa let. Cu aa lehnak ah ralhrang kawlralkap bawi cu pakhat cu a nunnak aliam tiah tunai ah thanhnak an tuah. Nizan an i aa kapmi hi ralhrang kawlralkap bawi le palek bawi an si, an pahnih in motor cungin an i kap i, cu an i kahnak ahcun a tubantuk in ralhrang kawlralkap bawi a nunnak aliam hi a si.

May be an image of outdoors

Motor cungin an i kah tikah an motor cu aa let. Ahram thok ahcun hliamhma atuar nain ahliam tuar loin a nunnak aliam cang tiah an langhter. Hi konghe pehtlaiin zeiruangah dah an i kah ning a si timi kongah ralhrang kawlralkap lei in thanhnak maw fianternak pakhat hmanh an tuahmi a um rih lo. Credit: Khit THit Media

May be an image of outdoors

Relchih:Khuaci mui si cang, Ralhrang kawlralkap a dirkamh mi hna cungah thihnak le hliamtuarnak tiang a chuak cang. Ralhrang kawlralkap dirkamh in thawngpang apetu minung pahnih hna cu namte sawhnak in an nunnak aliam. Cun minung pasarih hliam hma an tuar tiah khuami hna nih an chim. Hi thil a cannak hmun cu Swebu peng a simi Tilung khua ah a cang mi thil a si.

Thil sining cu hitihin a si. Ralkap kawlralkap hna nih Tilung khua khuabawi or uktu ah rian an khinmi cu khuami hna nih an duh lo. Atu bantuk in ralhrang kawlralkap hna nih rian an khinh mi uk cu khuami hna nih an duh lo caah, USDP party a dirkamhmi hna nih ralkap pawl cu khuam ah an auh hna tiah theih a si.

Ralhrang kawlralkap pawl khua chung an rak phak tikah khuabawi rian an khinh mi a duh lomi khuachung minung hna cu ralhrang kawlralkap nih an tleih hna i, hehchat tiah an tukvelh hna. Culawng siloin an nunnak zong an lak hna hnu ah an umnak inn tiangin an khangh piak rih hna. Cupin ti le rawl an chiahmi tiangin an lakpiak rih hna.

Cubantukin ralhrang kawlralkap hna nih thil an tuah caah khuami hna cu hmunhimnak ah an zam dih hna tiah theih asi. Ralhrang kawlralkap hna nih an duhning paoh in thil an tuah hnu i, an kir hnu ah khuami hna cu an zamnak hmun in khuachung ah an rak lut tthan. Khuami an thinhun tuk caah ralhrang ralkap he rian a ttuantti mi khuami hna cu mipi nih an tleih hna.

Ralhrang kawlralkap dirkamh in ralhrang kawlralkap sin ah rian a ttuanmi khuachung minung hna cu mipi an tleih hna i nam in an sawh hna i, minung pahnih an nunnak a liam pin ah minung pasarih hliamhma an tuar. Hliam a tuarmi minung pasarih chungah minung pathum hna cu ralhrang kawlralkap sin ah pehtlaihnak an tuah hnu ah ralhrang sin ah an i thlop tiah an langhter.

Be the first to comment

Leave a Reply

Your email address will not be published.


*