RALHRANG KAWLRALKAP AN MUALPHO. KIA VANLONG IN AN KAH TTHAN HNA

Kawlralkap ralhrang nih Kahdohnak kan ngol an timi cu lih le hrokhrawl lawngte asi cang. May nikhat zan suimilam pariat rawngah cunglei raltuknak vanlong in an thuat tthan. KIA zungpi pawngah a ummi KIA Tatmah panga, Tatyin 19 Area chungah a ummi hna cu ralhrang kawlralkap hna nih cunglei raltuknak vanlong hmangin bomb in an thlak hnawh tiah theih a si.

Hi konghe pehtlaiin mit hmutu khuami hna nih an chimmi cu ralhrang kawlralkap raltuknak vanlong hna cu cunglei ah voihnih hrawnghrang aihel i, cuticun a ngiat hna. Cu ahcun bomb an thlak hnawh hna tiah khuami hna nih an chim rih. Ralhrang kawlralkap hna nih cunglei in bomb an thlahmi a puah thawng zong Laiza khuapi in aa thei rih khuapi chung a ummi hna nih an chim rih.

Overnight Clash in Kachin State

Ralhrang kawlralkap hna nih hramhram in uknak an lak hnu ah KIA hriamtlai hna cu biatak tein an kah hna. KIA lei zong nih an kah ve hna. Ralhrang nih biatak tein hriamnam ngan he siseh, ralkap thaazaang zong an chap lengmang ko hna nain an tei kho hna lo. Ralhrang kawlralkap a nunnak aliammi an tamtuk cang caah cunglei raltuknak vanlong an kah hna i, cunglei in an kah hna nak hi niruk chung asi cang lai tiah an thanh.

NEON(Reject Military) on Twitter: "Fact Check:It is confirmed by a source  from KIA that Terrorist coup fighter jets used Chinese air space to attack  KIA positions. But the photos are from India

Thawngpang Dang:KNU biachim cu lung ahmuituk hringhran ko ee, Ralhrang kawlralkap hna nih zeitluk hmanh in cunglei siseh tanglei siseh tukdohnak tuah hmanh hna sehlaw, KNU hriamtlai cu tei khawh an si lai lo tiah fiang ko in an chim. Theihcia bangin a tu hi biatak tein kaphnih karlak ah thawngpang a linsa ngaingai i, fak ngaiin tukdohnak a chuak.

Ralhrang kawlralkap hna nih tanglei in hriamnam ngangan he an thuat hna. Culawng siloin cunglei raltuknak vanlong zong in an phomh rih hna. Hi konghe pehtlaiin brigade 5 ah ralbawi a simi Sawm Mu nih fiang ko in a langhter. Atimi cu cunglei raltuknak vanlong an hman ruangah siseh, KNU cu tei khawh an si lai lo tiah a chim.

Ralhrang kawlralkap hna nih raltuknak vanlong hmangin KNU hriamtlai hna cu biatak tein an thuat hna. Asinain KNU hriamtlai hna cu an zeite hmanh a poi lo timi hmuh khawh asi. Aruang cu hnukir hrimhrim an i tim lo. Hnu kir an timh lo pin ah ralhrang kawlralkap hna nih hnu kir dingin an tuah kho hna lo timi cu tutan an biachim in hmuh le theih khawh asi.

Ralttha taktak in KNU hriamtlai brigate panga nak i, ralbawi Saw mu nih a chimmi cu zeitluk hmanh in KNU hriamtlai cu hnu kan kir or kan soh lai lo. Ralhrang kawlralkap nih hriamnam ngan cunglei in tukdohnak tuah hmanh hna sehlaw hnukir tiangin an tuah kho lo tiah a chim. Tutan ah hibia a chimtu KNU hriamtlai ralbawi nih a chimnak aruang cu atanglei ruangah hin a si.

Kan hnu March thla ah siseh April thla chungah hin ralhrang kawlralkap umnak sakhan hna cu biatak tein an doh i, an lak khawh. Cu an lakmi ralhrang kawlralkap sakhan hna cu Thi Mu La le Thaw Le Tha sakhan an si. Ralkap sakhan pahnih an lak ruangah ralhrang hna nih cunglei in an rak phomh hna. Asinain tutan teikhawh kan si lo tiah a chim.

Apeh tthan rih mi cu ralhrang kawlralkap hna nih cunglei Vanlawng hmang in an kan doh mi hi cu kan caah cun khuaruahhar a si ti lo. Voi tamtuk an rak kan kah cang nain kan sung lo. Kawl ralkap pawl cu an tha a der tuk cang i i kahdohnak ah zeipi an si ti lo tiah a chim chih. A tu lio ah Karen ram chung ah kawl ralkap le KNLA Brigate (1,3,5) hna cu fak ngai in an i kah doh lio a si.

Be the first to comment

Leave a Reply

Your email address will not be published.


*