RALHRANG DIRPITU NIH BIAHALNAK A TUAHMI AH LEHNAK A TUAHMI

Kawlram hi ralpi a chuak taktak ko cang rua lai. Ralhrang kawlralkap a dohmi minung tampi an um lio ah ralhrang kawlralkap a dirpitu minung an um ve cang. Ralhrang kawlralkap dirpitu hna nih ralhrang kawlralkap sin ah hriamnam hmannak nawl kan pe ve uh tiah an ti ve cang. Hi konghe pehtlaiin a tanglei bantukin thanhnak an tuah.

Nizan June ni 12 ah ralhrang kawlralkap hna nih thawngzamhtu sin ah thanhnak an tuah. Thawngzamhtu sin ah ralhrang kawlralkap nih thanhnak an tuah lio ah ralhrang kawlralkap a dirpitu hna nih ralhrang kawlralkap hna cu hriamnam hmannak nawl kan pe uh tiah halnak an tuah. Hi bia a chimtu hi thawngzamhnak rian a ttuanmi zong asi lo tiah an chim.

Asinain ralhrang kawlralkap dirpitu hna aiawh in biahalnak a tuah ve mi a si. General Zaw Min Htun sin ah biahalnak a tuahmi cu NUG tawlrelnak in ralhrang pawl hi ttihnung an si cang i, hmunkip kaakip ah an um ruangah kan him ti lo. Cucaah kanmah ralkap dirpitu hna hi zeitindah kan i ven lai? Hriamnam hmannak nawl naa kan pe kho maw tiah a hal.

Hi konghe pehtlaiin General Zaw Min Htun nih a timi cu Mi zapi nih kan in humhhim kho hna lo timi cu ka cohlan. Sihmanhsehlaw felfai tein theihternak tuahtu cu an inn ah lawi in, an himnak ka tuaktaan lai. Mah le mah i humhhim ning cu minung ahopaoh nih tuah angahmi phung a si. Mah le mah i runven ruangah thil tuahmi cu sual a si lo atimi an um.

Sinain mah le mah i runvennak ah hin phunglam tampi a um i,phunglam cu ahau. CRPH le NUG minung hna nih nan nunnak caah ttihnung thil an tuah maw rawhralnak thil pakhatkhat tuah an timh ruangah na nunnak caah tiah thil na tuahmi cu sual ah kan cohlang lai lo. Cubantuk thil cu phung le lam ah a um ciami khi a si. Ralkap dirpitu nan him lo timi kan theih, a him lomi nih thatein rak chim ulaw kan tawlrel lai.

Hi konghe pehtlaiin NUG kong halnak nan tuahmi ah kawlram ah hin NUG cozah tibantuk a um lo. Thli le online lawngah a ummi khi a si ko. Ramdang nih zeibantuk cozah an pom timi ah kan buai lo. ASEAN buu ah hodah a kal? ramdang palai chawnh dingah ahodah a kal timi cu nan hmuh dih nan theih dih ko cuta tiah General Zaw Min Htun nih a chim.

No description available.

Thawngpang Dang:Apoiko Lairawn khualipi timi Kalaymyo ah tulio zawtnak ttihnung a simi Covid in minung 30 an nunnak a liam cang. Kalaymyo ah covid zawtnak hi nikhat hnu nikhat in a karh chin lengmang. A buaktlak in a tulio hi nikhat ah zawtnak a ngeimi hi minung pakul hrawnghrang an si tiah an langhter. Kalaymyo covid zawtnak konghe pehtlaiin thanhnak an tuahmi cu a tanglei bantuk in a si.

June ni 13 tuni ah covid zawtnak angei thar mi hi kalaymyo ah minung 23 an hmuh hna. Hi hna pawl hi lunghrinh in aa check mi hna an si. Tuni lawngah covid zawtnak in a nunnak aliammi hi Kalaymyo ah minung pali an si. Tuni he covid zawtnak in Kalaymyo ah a nunnak a liammi hi minung 30 an si cang tiah thanhnak an tuah.

Atulio ah hin Covid zawtnak angeimi hi Kalaymyo ah minung 220 hrawnghrang an si i, an thlop cuahmah lio hna asi. Kalaymyo ah zawtnak a ngeimi hna hi a cunglei langhter cang bantukin mah lungtho tein aa check mi pawl an si, Um khua nuam lo siikserh tibantuk in an um hna i, lunghrinh in aa check mi pawl an si. Check a duh ko nain checknak tangka angei lomi tampi an um tiah an chim.

Be the first to comment

Leave a Reply

Your email address will not be published.


*