RAK I TIM TI HLAH, NANGMAH TEIN NA MUAL NAI PHOH A SI

Thantlang USDP Nih CNLD Tleihhrem AN Timh. Zahan Pathian ni khan Lai mi facebook kuang i a lar ngai mi cu, Thantlang USDP pawl nih CNLD he kan ipehtlai (Kawifa)kan si tiin cathanh bantuk an chuah mi ruangah khan a si.Kan theih cio cang mi cu CNLD nih hin a liam cia thla 27 July 2020 ah khan an kal phung tha tein mipi hmuh ah an thanh i an langhter ko cang mi kha nan hmuh cio ka zumh.

Mah i an cathanh/chuah mi ah khan,USDP le CNLD hi kawifa an si lonak kha fiang tein an cathanh mi ah khan an telh diam cang ko khah.Mah cucu Thantlang lei i a um mi USDP lei nih a tubantuk in lih le hrawkhrawl bak in a mah a miphun lila kha a mah hmanh kawl nih an tlaih i a chuah khawh ti lo hmanh kha ruat lo in,USDP le CNLD cu “Kawifa”kan si tiah cathanh a chuah mi hi,lih fangfaak a si.

Cun,a hnu ah CNLD lei nih cathanh a chuah than i,USDP le CNLD hi “kawifa”kan si lo ti kha fiang tein a chuah than mi zong a um ko khah.mahbantuk in mah miphun a si ko mi party lih le hrawkhrawl bakin van tuah ko hi cu,Chin mipi zei an kan rello zong a si i, Chin miphun zuar a kan timh zong a si caah,mahbantuk lungput hi cu kan miphun chungah hin hlaw cio dih dingin kan sawm hna.

Cun, a dikloh ti theih mi cu lai mi zong nih heh tiah kan laak i kan post peng ding zawng a si lo,mah le mah tilzang cumh a si.Adonghnak ah ka van pehduh mi cu,Chin miphun pakhat na si bantuk in, CNLD na ttanhlo hmanh ah a sawiseltu le hrawh a timtu si cu rak itim ti hlah, nangmah le nangmah nai mualphoh men a si. Catialtu: Pu Tin Duh Thang

Relchih:Chin Miphun Party (CNLD) Cozah Si Khawh Nak Lam Phun (3). Cozah Ser Khawh Ding ah Tthutdan (333) a herh.Tlangcung mi nih Ṭhutdan (207) kan ngei. Kawl miphun nih Tthutdan (291) an ngei ve. Ralkap nih Ṭhutdan (166) an ngeih ve. Pakhatnak. Tlangcung mi Party nih 167 – 200 hrawng Ṭhutdan kan hmuh ahcun Zalon tein le Donkhan tu um loin Cozah kan ser khawh.

Atam bik Tthutdan ahmuhco mi kan si lai caah Tamada zong kan tuan khawh (Zalon tein). Hlutdaw Luzik hna zong kan tuan khawh i CM zong Zalon tein kan tuan khawh cang. Pahnihnak. Tlangcung Party hna nih tthutdan 150 hrawng lawng kan hmuhco ah cun: Tambik ahmuh mi Kawl party nih Tamada le Hludaw Luzik an tuan ve lai. CM belte cu Mah le Miphun Party nih mah tein i thimh asi ve lai.

Pathumnak: Chin State ah Mipi Thimh mi Palai (18) aum. Chin Party asimi CNLD, ZCD le ENDP hna nih hmun (18) ning in hmunhma kan co ahcun, Kawl party lei nih an mah party chung in CM thimh ding mi minung an ngeih ti lai lo. CM cu mah tein kan i thimh khawh lai. Tamada le Hlutdaw Luzik hna tu an mah Kawl party nih an ttuan ve lai. Laknak: Saya Rungkaw

Be the first to comment

Leave a Reply

Your email address will not be published.


*