PU ZOBAWI NIH ACHIMMI KHA LIH BAK ASI. BIADIK CU HIHI A SI

Fianternak. The Hakha Times nih Vol 1, No. 1, November 02, cacawn nikhat ni ah chuahmi printed paper ah Pu Zo Bawi nih Aibur upa sinah ka hal i Pyituh ah Van Bawi Lian, Amyota ah Henry Van Thio, Pyine No. 2 ah Lungthlitum kan pek lai tiah an ka ti a timi bia hi lih a si. Hihi Lautu le Zophei(Aibur) karah bia a kan tuahpiak( mee tthentthek) men ah a chimmi a si.

Aibur ah hin Party pathum an um i a tlangpi in a thawngbik cu CNLD hi an si. Nizan ah Aibur mino pawl zong nih CNLD thazang hmuhsaknak an tuah i Hnaring ah cycle 60 leng in minung 120 tluk Aibur Mino an kal i, Tisen A,B, Surngen, Sentung le Fanthen zong an sawm pah hna i an dihlak minung 260 leng an si.

Tutan thimnam ah cun kan khua Aibur ah cun CNLD a ttanhmi deuh lawngte kan si ko caah kan khua ah cun ka kawipa Salai Lungthlitum cu mee an pe hrim lai lo ti cu fiang tein ka chim ngammi a si. Cucaah Pu Zo Bawi nih The Hakha Times ah a chimmi bia hi a hman lomi a si ti kha kan theihpiak hram uh. Credit: CBN

Relchih:USDP le CNLD tuahserning hi a khat bak. Pu No Than Kap nih Falam peng Vanva khua ah biachim ngai dingah rak sawm hna u, bia ngaitu vialte minung pakhat ah Tangka 2000 cio ka pek hna lai tiah CNLD upa pawl sinah a rak cah hna. Meting cu an tuah i a dih hnuah Pu No Than Kap nih minung pakhat ah Tangka 1000 cio lawng a pek hna caah meting a rak kaimi pawl cu an buai ngaingi timi Vedio in Vanva khuami CNLD upa pawl an chimnak awthawng theih a si.

USDP in si seh, ralkap in si seh, sandahpiahnak asilole thazang chuahnak an tuah tik poh ah Yangon khuapi chung cu lungfim lawng an si caah hlen khawh a si ti lo i khuate lei an kal i thaizing sandahpiahnak ah rak chuak ve law, tangka 6000 le rawl kan pek lai tiah an va sawm tawn ve. Sule Park (Bandula panchian) tehna ah an auning cu an aw zong a thang ngaingai a chan cu Kan au dih hnuah tangka 6000 ka hmuh lai, danpauh rawl zong ka ei lai an ti.

Sandahpiahnak a dih hnu cun tangka 2000 cio tehna an pek i rawl lawng an dangh cang hna. Tlangval tampi cu an buai lenmang tawn. Nizan an ka chim lioah tangka cu zat le danpauh kan dangh lai an ti an ka hlen e tiah a aumi an tam tuk tawn. Ralkap le USDP nih tangka 6000 biakamnak ah 2000 an pek lioah CNLD nih cun 2000 biakamnak ah 1000 a pek caah USDP nak cun tlawmpal a tha deuh.

Krifa a si caah a hlenbia a zorh deuh ti khawh a si. Mipi hlen zong a țha lo, Mipi țhihphaih zong a tha lo, Krifa kan si ti tung i Thla zong cam, Pathian bia zong chim lengmang tung, kan ka in Lihbia le Hlenbia long a chuak ahcun mipi nih zumh awktlak kan si kho lai lo. Credit: Laiki Chozah

Be the first to comment

Leave a Reply

Your email address will not be published.


*