PU ZO BAWI AI AH PU SONNY THANG CUNG AN PEK TIMI KA KHUARUAHHAR

Hakha NLD thil tuah hi rak zoh cio tuah ulaw, a chung sining a vun lang ruangmang ko cang. Thil sining hi vun cuanh le vun zoh tikah dingthlu lairelnak timi hi a rak um taktak rua lo ti khawh asi. Hakha NLD hruaitu khuakhan lairelnak hi thil kalning asi maw silo timi cu pumpak cio nih zoh khawh asi ko cang hih.

Thil a sining taktak ahcun Pu Zo Bawi aa cuh lo a si ahcun a hmun hma ah direct in a lut dingmi cu Dr Moses Thla Cung ding hi asi ko. Zeicaah tiah thil cu a sining tein a um kalning tein a kal dingmi khi asi. Vun zoh cio ulaw Pu Zo Bawi le Dr Moses Thla Cung dirhmun hi,, Pine Hluttaw No 1 ah Pu Zo Bawi nih vote 18 alak i, Dr Moses Thla Cung nih vote 10 asi.

Hi zawn ah thil akal ning ahcun Pu Zo Bawi aa zuam ti lo ahcun Dr Moses Thla Cung hi direct in Pu Zo Bawi hmun hma ah a luh ding asi ko hnga lo maw? Hi konghe pehtlaiin Moses Thla Cung nih atimi cu 2020 thimnak caah pine hluttaw 1 ah Pu Zo Bawi mee 18, Dr. Moses Thla Cung mee 10. Pine Hluttaw 2 ah Pu Sui Thio mee 11, Saya Lian Ceu mee 10.

Pu Sonny Thang Cung mee 7 asi. Pu Zo Bawi cu relrum lonak ruangah pine hluttaw Palai aa cuh kho ding asilo caah a mah ai ah Pu Sonny Thang Cung an pek timi hi khuaruahhar taktak asi ko. Dinfelnak ttanh ka duh caah NLD ah ka luh nak asi. Asinain atu bantuk in thil a kal ahcun NLD hi tlangchuak te hnga maw? Dingthlu laireltu nih tlang kan tlak ko seh tiah attial.

Relchih:Federal Le Kan Covo Cu Kanmah Nih Kan Ser Awk Asi. Kawl Nih Cun Federal Cu An Herh Lo.Phunghram remhnak Hluattaw debate cu kaa manh caan poh ka ngaih i, Live in ka ngai khawh lo hmanh ah delayed in ka zoh peng ve. Hluattaw an debate zarhkhat chungah FEDERAL ti biafang hi voi 221an chim. Cunak zongin a tam kho men ko.

Federal biafang a chim tu hna hi Tlangcungmi MP pawl nakin Ralkap, USDP le NLD Kawl MP pawl ansi deuh. Ralkap nih voi 42, USDP nih 71 le NLD le a dang nih voi 118 an chim. Kawl MP pohpoh Ralkap siseh USDP le NLD siseh Federal timi Biafang an hman poh ah Taiyinthar nih an duhmi Federal,..? tiah an chim viar.

A sullam cu Kawl nihcun kan duhmi le kan herhmi asi lo tinak asi. An bia ah fiang tein a lang ko hi mu.Ka ruah than micu Federal cu Kawl nih an herh lo pinah an duhmi zong asilo ti kha a fiang tuk. Kawl nih an herh lemlo mi Federal cu Kawl nih pek maw kan orh peng kun lai. Kanmah tein Hluattaw ah Kai ve i kanmah kong cu kanmah nih kan tawlrel ve lai dah.

Kan Covo le Federal cu a ho sin ahdah kan hal lai? Aho nih dah an kan pek lai? Federal le kan Covo cu Ralkap sinah maw kan hal lai? NLD sin ah dah kan hal lai? Kan ifiang cikcek awk asimi cu Kan Covo le Federal hi ralkap le NLD nih an ngei lo. An kan pek khawhmi thil zong asi lo. Aum rih lomi Federal kha ser a hau. Tawlrel a hau. Ralkap le NLD nihcun an kan serpiak lai lo.

Kanmah kong kanmah nih tawlrel kan duh ahcun kanmah Miphun nih kan tawlrel a hau. Kan miphun kong tawlrel tu caah CNF an um, Chin Nationalist an um, Chin party CNLD an um. Cu hna pawl cu lungrual tein kan dirkamh hna ahcun kan Miphun Covo le zalonnak caah Lam thacem mi asi. Ka nolh rih lai.

Kawl nihcun Federal an herh lo, an duhmi zong asi fawn lo. An duhlo mi le an herhlo mi an kan pek lai ti ruahnak hicu kan i palh cikcek. Kan lung aa rual ahcun kanmah chungah thazaang nganpi kan ngei ve ko. Cucu Support CNF, CNLD and Other Chin Nationalists for our right. Credit: Jacob R Thang