PU TUM SANG (TIAL AWI PA) ZONG CBT NIH LEH NAK A TUAH

Pu Tum Sang (Tial Awi Pa) Thantlang CNLD secretary tthing asimi cu Salai Ceu Bik Thawng nih lehnak atuah. Salai Ceu Bik Thawng nih Tum Sang lehnak a tuahmi zoh tikah upat atlak tuk hringhran. Pu Tum Sang nih Salai Ceu Bik Thawng cabia ah comment atuah mi cu a tanglei bantukin kan rak langhter.

Party EC azat ceo nak tam, hnatlak nak in statement kha LMC fb in chuah mi asi hi hnu zong ah aherh ah cun chuah than leng mang ding in hna tlak nak tuah cia asi. Kha ban tuk khan facebook hmang in ca kuat zong hi thiam hlei bia chung thu leng nal. Cu tluk i lung put tha na na neih ah buai nak hi a chuah ne?

Salai Ceu Bik Thawng lehnak: Ka pa Tial Awi Pa, Thantlang kan party hi CNLD phunghrampi bylaw le CEC phung chuahmi le CEC upa pawl tlangtlak ningin rak kal kho usih law a tluang dih ko hnga dah ka hei ti. Kan party hi Peng 27 ah EC kan nei (kan karh vima) le adang vialte ahcun kan tluang ko. Thantlang zong cu kan tluang ko lai.

Nanmah zong party pakhat kan si caah Party surlupi nih khuakhannak tangah nawl ngai tein um dih hna usih law, miphun pakhat, party pakhat, buu khat, kan sinak kan lungrualnak le funtomnak kha hun langhter usih law kan dam colh ko lai tiah ka ruah. Kan upa te CEC nih a ttha bik in khua an khan ko lai dahawh. Cucu kan dihlak in zulh khawh tu izuam ko hna usih.

Lungsau tein. Idawtnak te he. Hmailei zongah kut sih in miphun caah rian kan ttuantti dih ko hna lai dahawh. Kei zong MP cuh ka duh nain voi 2 dawh kai chol ve ko hih. Asinain a poi lo. Party a dammi kha number one si ko. Party cio zongah an ton ciomi sersiamnak si ko i lungkhat tein dir ko hna usih. Dawtnak he.

Lal Maung Cung sin ah a chim tthan rihmi:Ka u Kawi Aung Pa (Pu LMC),Voihnih khengte candidate in hnawl a tuar cangmi ka si caah atu bantuk in party nih candidate hmun an in pek lomi le an in dinhtermi cungah na tuar dingmi hi kan theihthiam piak ngaingai. Kan tuarpi ngaingai. Azeikhom si ah buupi nih khuakhanmi cu pom khawh tu izuam ko kun usih.

Pathian khuakhan a si ko lai tiah pom ko usih. Kei zong cuh loin dawh ka um ve ko lai hih.Na thachia hrimhrim hlah. Kan no tuk ko rih dakaw. Ramkhel ahcun caan tampi kan nei ko rih. Miphun rian cu MP si theng le party chungtel si theng lawngin ttuanmi a si lem lo i hmunkhat ah kan miphun caah kan ttuantti dih ko hna lai.

Chin miphun cu kan tlawm tuk caah miphun rian ahcun aho hmanh kutsih ai thlah ding kan um lo. Rian kan ttuantti dih ko hna lai. Na ca post mi kongah na dirhmun na tialmi pawl cu na hmuhning le na dirhmun si ko caah ka theihthiam ko. Keimah kong na hun chimmi tete zawn belte ah na ka ruah palhmi pa (3) te fianter ka duh ko.

Pakhatnak. Na ca i 4nak ah “CBT nih [candidate] sohluah a chiah i Thantlang EC upa nih voi 2 kan ceih le…” timi kha sohluah ca kha February thla ah voikhat June thla ah voikhat tiin voi 2 bak ka chiahmi kha nangmah Chairman le ka pa Tialawipa (Pu Tum Sang) nih nan ka hnawlpiak i EC ah nan ka chuahpiak duh lo cumu. Nan ka hnawlnak ca zong cu a um ko. Cun, Central in Team thlahmi an rak rat zongah EC ko uhlaw CBT sohluah hi ceihpiak uh an ti i zongah nan duh lo cumu. Kum 2016 lio tein kan khiah cangmi a si nan ti.

Pahnihnak. Na ca i 7nak ah “CEC meeting ah CBT nih a chuahpi” na timi hi ka chuahpi hrimhrim lo. CEC nih thlahmi Team tu nih nan sin an rat i an hmuhmi EC nan kawh duh lonak, nan rak hro hna nak, sandah kan in piah hnawh hna lai nan rak tinak tepawl kha CEC meeting ah report (asiyinkhansa) an chuahpi i cucu action an lakmi a si. Kei cu meeting ah zeihmanh kai thlaak lo dakaw.

Pathumnak. Na ca i 8nak ah “CBT candidate hmuh khawhnak dingah khua an khan” timi zong hi purhdahnak sawhsawh a si. MP cuh duh tukmi kan lawh caah “Kai cuh lailo” tiah zapi theih in ka thanh cangmi a si.Pumpak le buu rian cawh hlah usih. Ramkhel le buu rian ah kan ruahnak aa danmi kha pumpak ah luhter hlah usih. Kei cu tii le chiti cawh ka duh ballo. Buu le ramkhel ah kan ruahnak aa dang nain pumpak in kan hua hrimhrim hna lo i kan upat peng ko hna. Kan tlaihchan peng ko hna lai.Miphun ah na ttuan hawi, Chinku Pa (TT)