PU PIANG LU TANNAK KONGAH THAWNGPANG FIANG

Nizan zanlei suimilam 5:30 i, Rih ah i thahnak a cangmi kongah thil sining fiang tein an langhter cang. Rih pawngah a ummi Telephone Tower a zohkhanhtu Pu Pianga Kum 45 cu Mindat miphun asimi Tluangte ka si tiah aitimi ttihnung taktak in athah. Tluangte ah ka si tiah aitimi hi kum 40 hrawnghrang minung a si i, amah hi Budhist biaknak in Khrihfa ah ka lut tiah aitimi asi.

Nizan ttihnung thahnawnnak konghe pehtlaiin Rih khua i, YMA president asimi Vana nih thawngzamhnak sin ah a chimmi cu, thahnawnnak atuahtu Tluangte nih hin Pianga le a nupi hna cu Pathian bia a chimh hna. Asinain Pathian bia a chimmi pawl cu pianga a nupi nih a dik lo, Pathian bia na chimning cang hi adik lo tiah an pa cu kan lawi lai tiah lawi asawm.

Cuticun a nupi nih an pa cu a lawitak. Cu hnu ah Tluangte nih hin an pa cu a rak thah i, Lunggyi in thil aiput i, Tower chak ah a ummi Ralkap umnak camp lei ah kal ai tim. Aiput mi thil cu thisen a chuah caah tthenkhat nih an lunghrinh i, palek sin ah theihternak an tuah. Palek pawl nih an vun check tikah ah cun minung lu arak i put kha an hmuh.

Cuticun palek pawl nih an tleih colh ti asi. Palek pawl nih an chimning ahcun Ralkap umnak le Rih khua chuahtak hi angamh lo tiah an chim. Cun a thahning konghe pehtlaiin an chim rih mi cu thingin voithum a tuk hnu ah alu hi atan tthan tiah an chim. Mithattu Tluangte timi hi Rihkhua le Tio karlak ah Tivate ah Rawra laknak hmun ah rian attuanmi a si.

Nizan tihni zongah khan mithattu pa hi phungki pawl he hmunkhat ah an um tti tiah an chim chih. Thahnawnnak atuahmi konghe pehtlaiin amah mithattu nih a chimning ahcun hi thil ka tuahnak aruang cu pathian nih tuah aka fial mi asi i, Budhist lutlai hna sin ah minung lu put dingin aka ti caah ka tuahmi asi tiah a chim. Cun hi thil atuah dingmi zong hi note book ah attial chih tiah an chim.

Hi ttihnung thahnawnnak konghe pehtlaiin khuami hna cu an lung afaktuk in an thin a hungtuk caah palek pawl hna cu khuami mipi rak chuahpi uh a muisam tel kan zoh lai ti tiangin an au hnawh tiah an chim. Tutan ah ngeihchiatnak atongmi chungkhar sihna seh khuami vialte an ngeihchiatnak Pathian nih hnem ko hna seh. Credit:MSR

Be the first to comment

Leave a Reply

Your email address will not be published.


*