PI NI HNEM THLUAI NIH A THIH LAI AH APA SIN BIA ACHIMMI CU NGEIHCHIATUK E

Nizan 27, September, 2020, zan suimilam 10:00Pm tluk hrawngah Tikhuangtum khua ah Pu Hrang Lian nupi Pi Ni Hnem Thluai kum 38 tlukhrawng cu a thi tiah theih a si. Apasal hi ttihbual a si.An pa hi mifel pawfah a neimi a si. An mah nihcun khuapi Si-Inn ah i thlop an beisei ngai nain chungkhar harsat ruangah Si-Inn an panhpi kholo i cuticun Inn ah an si khwhtawkin an thlop hnu ah nizan ah a liam cu a si tiah naihniam minung sin in kan theih.

Fa pathum an nei, a fapa upa bik hi tangthum kaiding a si, a fahniang hi kumkhat fai hrawnglawng a si rih.A thih lai ah hitihin hringtu a pa sinah bia a cah: ” Ka pa kei cu hi vawlei hi ka kaltaak cang lai, ka umti lailo i, ka fale tete hi thilthar (thilpuan) an uartuk caah Xmas lai ahcun Thilthar nan hon cawkpiak hna lai awh” tiah a chim tiin naihniam minung sin in theih a si. Credit:CBN

Relchih aduhmi caah. Apoi ngaingai, minung tthenkhat caah cun zulhphung tuahmi zong nih a tlai hna lo nain, tthenkhat caah cun zulhphung hi fektthup in an kalpi ko. Zeitik ahdah hibantuk thleidennak hi kanram Chinram ah hin a donghte hnga muu. Zawtnak konghe pehtlaiin minung zeizat ko dah an tleih cang hna. Minung zeizat ko dah zulhphung an buar ko nain an ti duh hna lo timi zong hi ruah ngaingai ahau cang.

Hakha Cawbuk sang ah home crusade atuah le inn ngeitu hna cu nawlngeitu hna nih an tleih hna tiah theih asi. Tutan ah Home Crusade an tuahnak hmun hi Pu That Kung te inn ah a si i, cawnpiaktu hi Saya Van Ni asi. Home Crusade an tuah Ni caan hi September ni 19 in September ni 21, nithum chungte lawng a si.

Zawtnak ruangah cozah nawlngeitu hna nih mibuu in i pumh lo ding le Pathian thangthatnak zong tuah lo dingin rak khammi asi. Home Crusade an tuah ruangah atubantuk in an tleih hna hi asi. Crusade an tuahnak inn ngeitu le cawnpiaktu cu aliamcia ni 21 zan suimilam 10 ah Hakha palek nih an tleih hna tiah an langhter.

Cun September ni 22 ah Crusade an tuahnak inn ngeitu Pu That Kung cu palek nih an thlah tthan. Sihmanhsehlaw September ni 25 ah Pu That Kung le Saya Van Ni cu an tleih tthan hna i, a ralaimi hmaithla october ni 2 ah biacaih zung ah chuahpi an si lai tiah theih asi. Chirhchan. Chin News Journal

Be the first to comment

Leave a Reply

Your email address will not be published.


*