PHAKANT VAWLEI CIMHNAK KONG THAWNGPANG THAR

Hpakant vawlei cimhnak ruang ah thi mi ruak 100 leng an hmuh cuahmah lio.Kachin ram, Hpakant peng, Gwi Hka khua ah July 2 zing nazi 8 hrawng ah a cang mi vawlei cawhcia ponnak hmun a cim ruang ah cuka hmun pawl ah lungkawltu minung 200 leng an pam i chun nazi 12:30 tiang hrawng ah ruak 100 leng an cher kho cang tiah kawlhawl le bawmhnak rianṭuan tu pakhat asi mi U San Thu nih a chim.

Image may contain: one or more people, people standing, mountain, outdoor and nature

A mah nih cun “khor chung ah aum mi hi 200 leng hrawng an si lai. An zapi in thih dawh an si. Atu kan hmuh kho tawk zong an zapi in an ruak kan cher kho hna” tiah ati.Atu vawlei cimhnak hmun cu Hpakant peng, Seik Mu khau komh, Gwi Hka khua Lakhu Chaung sang um Tah Thone Lone, Yadanar Kyae, Kyautmyat Shwe Kyi, Yadanar San Shwin le Ayeyar Yadanar company pawl fonh in rak ṭuan mi rianhmun hlun asi.

Image may contain: one or more people, mountain, outdoor and nature

Ruah a sur ruang ah cawhcia vawlei ponnak tlang cu a cim i khal lio lung kawltu minung 200 leng cu nawncek lak ah a phum dih hna mi asi tiah Hpakan Fire Service Department sinin theih asi.Cu vawlei cawhcia ponnak hmun khor cu Pe 800 leng a thuk i cu pawngkam ah lung kawl tu zapi hi 700 in 800 kar an si tiah theih asi. Hpakan peng kulh, Amyothar Hluttaw chungtel U Khin Maung Myint nih cun “a bik in acre 50/100 tiin vawlei cawh asi peng ruang ah asi.

Image may contain: one or more people, mountain, outdoor and nature

Myanmar James Stone Law thar cu aum cang ko nain Rule a chuak kho rih lo tik ah phungning in uknak tuah kho asi rih lo. Cu pawl a hun chuah dih hnu lawng ah ṭha tein tawlrel kho asi lai” tiah ati.Furpi ah hin Hpakant hrawng cu atu le atu vawlei cimhnak aum lengmang ruang ah minung zaleng hi kum fatin an nunnak a liam peng i cozah lei nih hmunkhat fonh ṭuanṭinak nawl a hun pekchap mi ruang zong ah atu bantuk thil a chuak mi asi tiah U Khin Maung Myint nih cun a chim chap.

Image may contain: 2 people, outdoor

Atu tiang ah a taang rih mi ruak pawl cu Hpakant Fire Service Department in ṭuanvo ngeitu pawl vialte le a dang bu pawl he tiah hmunkhat ah i bawm in an kawl cuahmah lio hna asi. June thla dih lai zong ah khan Hpakant, Seik Mu khua komh, Sapot khua le Bomnang khua kar um pe 300 hrawng a sang mi cawhcia vawlei ponnak tlang a rak cim i a thi a lo mi an rak um len cang.Ref: CCNC