PELOSI LE JOE BIDEN AN MUALPHO CIKCEK CANG

Demons Pi Pelosi Le Pu Bin Zuamnak Cu Rep Senators Nih An Hlawt. US President hlun Trump sualphawtnak Demon Pelosi nih a chuahpi mi cu Rep Senators 45 nih an duhlo i an hnawlpiak diam hoi ko. Hi chungah hin Trump party chung minung siko nain a leirawitu Mitch McConnell zong nih trump sualphawtnak cu a cohlang velo, hi sual phawtnak le trump hi ai ralkah cang a ti ve.

A ra laimi Feb.9 ah an chuahpi thante lai i zeidek an lawh te lai , Demon party lei nih cun thong khumh rumro hi an i buaipi ko, a sual hrim tiah biaceih i dantat hrim hi an duh, a ruang cu Demons party riantuannak a doh kalh ding hna an duhlo, an sualnak hmuhpiak i phomh lai an phan caah si ko lai tiah mitampi ruahnak cu si.Trump a voihnihnak Khuachia tiah micheu nih an auhmi Pelosi nih cun trump cu a sual kawl peng le thongkhumh hi a duhmi cu si.

Trump sualnak hmuhpiak loin le daihter an duhnak an hlawt piaknak hna a ruang cu, Office-zungah a thu tilomi rian in dinhter dingah sual kawl hi cu a dik tilomi sual phawtnak si an ti. cucaah a suallo tiah a atu a voihnihnak ahcun biaceih piak si. Feb.9 zongah hin a suallo tiah biaceih piak si te ko lai tiah zumh si, a ruang cu trump zungin a chuah hlan ah chuah i sualphawt kha Devil pelosi tinhmi cu si i, zung thu tilomi hei buai peng kha sullam ngeilo ah an chiah cang, phung buarlo in an ceihpiak tte hrim lai. Daily Mail

Relchih:Surbung Airport konghe pehtlaiin thawngpang fiang langhter a si cang. Chin ram nih kan i ngeihmi Surbung Airport cu theihcio bangin tlamtling tuah dih asi cang i, Vanlong zong voikhat cu arak ttum cang. Surbung Airport cu tlamtling tein an tuah dih ko cang nain, phunhpuai an tuah kho rih lo. Aruang cu vawleipi nih atuar cuahmahmi Tlaangrai Covid ruangah asi i, hi zawtnak ruangah onnak zong an tuah lonak hi asi.

Sihmanhsehlaw tutan ah thawngttha ngaingai thanhnak an tuah cang. Surbung airport cu Chin National Day ah onnak tuah asi lai tiah Chin cozah nawlngeitu hna nih an chim. Chin National Day cu tukum hi sunglawi ngai in Falam khuapi ah tuah timh asi. Hi ni le caan ah Surbung Airport zong hi onnak tuah chih a si lai tiah an langhter chih.

Laimi or Chinmi hna nih kan sunhsak taktak mi Chin National Day hi asi. Hi ni le caan ahcun hmunkip kaakip a ummi vialte hna nih kan umnak hmun cio in sunglawi taktak in tuah tawn asi. Chinram huap in Chin National Day cu Laitlang ah a donghnak bik an tuahnak hmun cu Thantlang ah a si. Tukum tu ahcun Falam khuapi ah Surbung Airport ah hman a si lai tiah an chim.

Hibantukin Surbung onnak siseh, Chin National Day hmannak ah hin tulio zawtnak konghe pehtlaiin cozah nih zulhphung an tuahning bantukin hman asi lai tiah MP Pu Sui Thio nih a chim. Hi ni le caan ah hin rampi hruaitu lutlai tthenkhat zong sawm an si lai tiah alanghter chih. Aliamcia Chinram nih Chin National Day kan hmannak ah hin rampi hruaitu tthenkhat an i tel peng.

Nikum zongah kan theihcio bangin rampi ruahnak petu Aung San Suu Kyi zong nih Thantlang Chin National Day ah a rak hmanpi hna. Hi konghe pehtlaiin zapi nih kan theihcio bangin Surbung Airport hi rili level in vun tuak tikah pe thongruk bak asang mi asi. Tuah dih asi cang ko nain onnak tucu zawtnak ruangah tuah khawh asi lo. Asinain tutan a voi 73nak CND ah sunglawi taktak in onnak an tuah cang lai.

Be the first to comment

Leave a Reply

Your email address will not be published.


*